تەمىرلان ەرلانوۆ ۇزدىكتەر قاتارىندا

ول 1993 جىلى وسكەمەندە تۋىپ-ءوستى. ءاۋ باستا بىرقاتار كوماندالاردىڭ جاستار قۇرامىندا شەبەرلىگىن شىنداعان تەمىرلان كەيىننەن "ۆوستوك" پەن "ورداباسىدا" ونەر كورسەتتى. بيىلعى ماۋسىمدا قوستانايدىڭ "توبىلىنىڭ" جەيدەسىن كيدى. بىلتىرعى جىلدىڭ اقپان ايىندا قانداسىمىز قازاقستان قۇراماسىنىڭ ساپىنا قابىلداندى. امپلۋاسى – قورعاۋشى. ءداپ وسى ويىنشى البانياعا قارسى كەزدەسۋدىڭ 60 مينۋتىندا ءبىزدىڭ قاقپامىزعا كىرىپ بارا جاتقان دوپتى كەرى قايتاردى. جانە دە ەرلانوۆ وسى ماتچتا ءوزىن جاقسى قىرىنان كورسەتتى. ساراپشىلار تاراپىنان وسى جايتتىڭ بارلىعى ەسكەرىلىپ, ول 8.1 دەگەن باعاعا يە بولدى.

ال ۇلتتار ليگاسىنىڭ توپتىق ءتۋرنيرىنىڭ ءۇشىنشى تۋرىنىڭ شارتتى قۇراماسى مىناداي: سەرحيو راموس (يسپانيا), ودمار فەرە (فارەر ارالدارى), كايل گولدۋين (گيبرالتار), مارتين ەدەگور, ەرلينگ حوللاند, الەكساندەر سەرلوت, بيرگەر مەلينگ (نورۆەگيا), اناستاسيوس باكاسەتاس (گرەكيا), راۋنو ساپپينەن (ەستونيا) جانە ۆەنسان تيلل (ليۋكسەمبۋرگ).