ساڭلاقتاردىڭ تۋعان كۇنى

فرانتسيا فۋتبولشىسى رايمون كوپا ءار جىلدارى ءوز ەلىندەگى «انجە» مەن «رەيمستە» جانە يسپانيانىڭ «رەال مادريد» كلۋبتارىندا وينادى. 1958 جىلى الەم چەمپيوناتىنىڭ قولا جۇلدەگەرى اتانىپ, قارت قۇرلىقتىڭ ەڭ ۇزدىك ويىنشىسىنا تيەسىلى «التىن دوپتى» يەلەندى. كوزى ءتىرى بولعاندا رايمون اقساقال بۇگىن 89 جاسقا تولار ەدى. ايگىلى شابۋىلشى وسىدان ءۇش جىل بۇرىن قايتىس بولدى. 2007 جىلى «انجە» وينايتىن ستاديونعا ونىڭ ەسىمى بەرىلدى.

حاۆەر سوتومايور

ال قالعان تۋعان كۇن يەلەرى ءدىن امان. كۋبا­نىڭ داڭقتى جەڭىل اتلەتى حاۆەر سوتو­مايور 53 جاسقا تولىپ وتىر. ول – بارسەلونا وليم­پياداسىنىڭ جەڭىمپازى, سيدنەي وليم­پياداسىنىڭ كۇمىس جۇلدەگەرى, الەم چەم­پيو­­ناتىنىڭ ەكى دۇركىن جەڭىمپازى جانە ەكى دۇركىن كۇمىس جۇلدەگەرى. بويى 2 مەتردەن اساتىن پول پيرس 43 جاستى ەڭسەردى. كە­زىندە «بوستون سەلتيكس», «برۋكلين نەتس», «ۆا­شينگتون ۋيزاردس» جانە «لوس-اندجەلەس كليپ­پەرس» ساپىندا ونەر كورسەتكەن ول 2008 جىلى ۇلتتىق باسكەتبول قاۋىمداستىعىنىڭ (ۇبق) چەمپيونى جانە فينالدىق ويىننىڭ ەڭ قۇندى ويىنشىسى بولدى.

 پول پيرس

ياان تورپ