توپ تاعدىرى شەشىلەر تۋرلار الدا

شىنى كەرەك, ماتچ الدىندا البانيا قۇراماسى ويىننىڭ ءسوزسىز ءفاۆوريتى سانالعان. فۋتبول ماماندارى دا البانيا ءۇش ۇپاي يەلەنەدى دەپ بولجاعان ەدى. بىراق قازاقستان قۇراماسىنىڭ ويىنشىلارى بالقان تۇبەگىنىڭ ەلىنە لايىقتى قارسىلىق كورسەتىپ, جەڭىسكە جەتۋى بىلاي تۇرسىن, گول سوعۋعا مۇمكىندىك بەرگەن جوق. الماتىداعى ويىندا ەكى ۇجىم­نىڭ دا باستى ماقساتى – ءۇش ۇپاي ولجالاپ, تۋرنير كەستەسىندە توپ باستاۋ ەدى.

كەشەگى ويىندا جەرلەستەرىمىز ناشار ونەر كورسەتتى دەپ تە, جە­ڭىسكە لايىق بولدى دەپ تە اي­تا ال­مايمىز. بىراق شابۋىل ۇيىم­داس­تىرىپ, گول سوعۋ مۇم­كىن­دىگىن جا­راتۋ بويىنشا البانيا قۇرا­ماسىنا جول بەرگەنىمىز انىق. ما­سەلەن, ويىن­نىڭ 60-مينۋتىندا قار­سى­لاس كوماندانىڭ ويىنشى­سى قاقپاشىمىز ستاس پو­كاتيلوۆتىڭ ۇستىنە اسىرا سال­عان دوبىنا ابىروي بولعاندا قورعاۋشى تە­مىر­لان ەرلانوۆ ءبىرىنشى جەتىپ, قاق­پامىزدى 100 پايىز­دىق گولدان امان ساقتاپ قال­دى.

سونداي-اق البانيامەن وتكەن ويىندا بەلگىلى سەبەپتەرمەن ماتچقا قاتىسا ال­ماعان نەگىزگى قۇرامنىڭ فۋتبولشىلارى باۋىرجان يسلامحان, ءنۇرالى ءالىپ, يان ۆوروگوۆسكيدىڭ ورىندارى ابدەن ءبىلىندى. الداعى بەلا­رۋس قۇراماسىمەن وتەتىن ويىنعا ءنۇرالى ءالىپ پەن يان ۆو­رو­گوۆسكي قاتىسا المايدى. ال يس­لامحاننىڭ جاعدايى بەلگىسىز. سونداي-اق كەشەگى كەزدەسۋدە سارى قاعاز العان عافۋرجان سۇيىمباەۆ تا قۇراماعا كومەكتەسە المايدى.

باس باپكەر ميحال بيلەك تە ال­بانيامەن وتكەن ماتچتىڭ نا­تيجەسى كوڭىلىنەن شىققانىن جا­نە قورعانىستا ويىنشىلاردىڭ تاپشى بولعانىن ايتتى. «بىزدە قورعانىستا ويىنشىلار ماسەلەسى تۋىندادى: ۆوروگوۆسكي, ءالىپ, مالىي ءتۇرلى سەبەپپەن بۇل ويىنعا قاتىسا المادى, ال ماروچكين جا­راقات الىپ قالدى. بىراق الاڭ­عا شىققان قورعاۋشىلار جاق­سى وينادى. مەن ولارعا ريزامىن. قاقپامىزعا گول وتكىزىپ الما­عانىمىزعا كوڭىلىم تولادى. ال بىزدە گول سوعاتىن مۇمكىندىك كوپ بولمادى», دەدى بيلەك.

ال البانيا قۇراماسىنىڭ باس باپكەرى يتاليالىق مامان ەدواردو رەيا دا تەڭ ويىنعا ريزا ەكەنىن جەتكىزدى. ء«بارى جاقسى. تورەشىلەر كەيدە قاتەلىكتەر جى­بەرەدى. ويىن الدىندا مەن قات­تى الاڭدادىم. ويتكەنى تورەشى بۇعان دەيىن وتكەن ءبىر ماتچتا 12 سارى قاعاز كورسەتكەن بولاتىن. مە­نى وسى جاعداي قاتتى مازالادى. قازاقستان قۇراماسى ءبىز ءۇشىن ءبىراز قيىندىق تۋعىزدى. بىراق ماعان كوماندانىڭ ويىن مانەرى ۇنادى. ءبىزدىڭ توپتاعى بارلىق كوماندانىڭ دەڭگەيلەرى شامالاس. دەگەنمەن فيزيكالىق جاعىنان جاقسى دايىندالعان قۇراما ءبىرىنشى ورىن يەلەندى», دەدى ەدواردو رەيا.

توپتاعى ەكىنشى ويىندا ليتۆا ءوز الاڭىندا بەلارۋس قۇراماسىن قابىلداپ, 2:2 ەسەبىمەن تەڭ وينادى. ەندى س ديۆيزيونداعى كەلەسى تۋر ويىندارى 14-15 قازاندا وتەدى. 14 قازاندا البانيا سىرت الاڭدا ليتۆا قۇراماسىمەن, 15 قازاندا قازاقستان قوناقتا بەلارۋس فۋتبولشىلارىمەن وينايدى. توپتا توپ باستايتىن كوماندانىڭ تاعدىرىن وسى ءتورتىنشى تۋر شەشەدى.

بيىلعى ۇلتتار ليگاسىنىڭ ىرىكتەۋ كەزەڭىن ءساتتى باس­تا­عان جەرلەستەرىمىز وسىلايشا ءۇش تۋردان كەيىن توپتىڭ كو­شىن باس­تاپ تۇرعانى قۋانتادى. ارينە بوركىمىزدى اسپانعا اتۋعا ءالى ەرتە دەرسىز, بىراق ازىرشە ماق­تانىشپەن ايتۋعا بولاتىن شى­عار؟! قازاقستان قۇراماسىنىڭ ەڭ كەيىنگى رەت ءوز توبىندا ءۇش ماتچتان كەيىن قاشان ءبىرىنشى ورىندا تۇرعانىن ۇزاق ويلانىپ, ەسىمىزگە تۇسىرە المادىق.