كولىك ايداپ كەتۋ فاكتىلەرى اراسىندا بالانىڭ ويىنى سەكىلدى وقيعالار دا كەزدەسەدى. سقو وبلىسىنىڭ اققايىڭ اۋدانىنداعى لەنين اۋىلىنىڭ ءبىر تۇرعىنى بوتەلكەلەس دوسىنىڭ ماشينانىڭ ىشىندە مۋزىكا تىڭداي تۇرايىن دەگەنىنە الدانعانىن ايتىپ, پوليتسياعا شاعىم تۇسىرگەن, دەپ حابارلايدى Egemen.kz.
تانىسى مۋزىكا تىڭداپ قانا قويماي, كولىگىن بەلگىسىز جاققا ايداپ كەتكەن.
ۇرلىق تۋرالى اۋداندىق پوليتسيا «ۇستاۋ» جوسپارىنا سايكەس جاقىن ماڭداعى اكىمشىلىك ۋچاسكەلەردەگى ۋچاسكەلىك پوليتسيا ينسپەكتورلارىن حاباردار ەتەدى. اۋدان ورتالىعى سميرنوۆاۋىلىنىڭ ورناتىلعىنا كىرەبەرىستەگى بەينەباقىلاۋ كامەرالارى تەكسەرىلىپ, كولىك ايداپ اكەتۋشىنىڭ مۇندا سوعىپ, كەيىن قيالى اۋىلى جاققا كەتكەندىگى انىقتالدى. اقىرى پوليتسەيلەر ونى وسى باعىتتا ۇستاعان. 1978 جىلى تۋعان شالا ماس جۇرگىزۋشى بۇل ارەكەتكە ءوزىن الكوگول يتەرمەلەگەنىن ايتىپ اقتالۋدا. قازىر ونىڭ ۇستىنەن قىلمىستى ءىس قوزعالدى.
وسىنداي ارەكەتتەر ءجيى بولىپ تۇرادى. ءبىر كۇن بۇرىن «اۋدي 100» اۆتوماشيناسىنىڭ جوعالعانىن ايتىپ, پەتروپاۆل قالاسىنىڭ تۇرعىنى پوليتسياعا جۇگىنگەن. شەتەلدىك كولىك ونىڭ اۋلاسىنان جوعالعان. پوليتسەيلەر ۇرلىققا 1990 جىلى تۋعان, ماساڭ كۇيدە بولعان ۇلىنىڭ قاتىستىلىعىن انىقتاعان... جالپى جىل باسىنان بەرى سقو-دا كولىك قۇرالىن ايداپ اكەتۋدىڭ 56 فاكتىسى تىركەلگەن.
سولتۇستىك قازاقستان وبلىسى