سولتۇستىك قازاقستان وبلىسىندا 111 جەكەمەنشىك كۇزەت اگەنتتىگى بار. ولاردىڭ كوبى پوليتسيامەن بىرلەسە جۇمىس ىستەپ قۇقىق ءتارتىبىن ساقتاۋعا اتسالىسادى, دەپ حابارلايدى Egemen.kz.
ءتۇرلى دابىلدار تۇسكەندە جەكەمەنشىك كۇزەت اگەنتتىكتەرىنىڭ 36 ۇتقىر ەكيپاجى وقيعا ورنىنا جەدەل جەتەدى. ال دابىل تۇسپەگەندە ولار وزدەرىنىڭ ۋچاستوكتارىندا پاترۋلدىك جۇمىستار اتقارادى.
جىل باسىنان بەرى سولتۇستىكقازاقستاندىق جەكەمەنشىك كۇزەت قۇرىلىمدارىنىڭ كومەگىمەن 255 اكىمشىلىك بۇزۋشىلىقتار انىقتالدى جانە 15 ۇرلىق قۇرىقتالدى. "كۇزەت قۇرىلىمدارىن پايدالانۋ – كوپتەن بەرى تاجىريبەگە ەنگىزىلگەن. بىراق كەيبىر سۋىققولدىلار كۇزەتشىلەردىڭ بار ەكەنىنە دە قاراماي قىلمىستىق ارەكەتتەرگە بارادى. ماسەلەن, جۋىردا عانا قالاداعى سۋپەرماركەتتەردىڭ بىرىندە ءبىر سۋىققولدى ازاماتتىڭ جاشىككە تاستاپ كەتكەن زاتتارىن ۇرلاماق بولدى. ونى كۇزەتشى دەر كەزىندە قۇرىقتاپ, پوليتسياعا تاپسىردى. وسىنداي مىسالدار وتە كوپ", دەيدى سقو پد كۇزەت ىستەرى ءبولىمىنىڭ باستىعى رۋسلان دانياروۆ.
جۋىردا ساياجايعا تۇسكەن ءبىر ۇرىلاردى "چەرنىي ياسترەب" كۇزەت اگەنتتىگىنىڭ قىزمەتكەرلەرى قۇرىقتاپ, قارسىلىق كورسەتكەن سۋىققولدىلاردى ساباسىنا ءتۇسىرىپ, پوليتسياعا تاپسىردى.
پەتروپاۆل