فۋتبولدان «استانا» فۋتبول كلۋبى قازاقستان چەمپيوناتىندا باستى قارسىلاسى – الماتىنىڭ «قايرات» كلۋبىنان جەڭىلگەن سوڭ كوماندانىڭ اتقارۋشى ديرەكتورى جانە باس باپكەردىڭ مىندەتىن اتقارعان اعىلشىن مامانى پول ەشۋورتپەن قوشتاستى.
«استانا» 4 قازاندا پرەمەر-ليگانىڭ 6-تۋرىنىڭ كەيىنگە قالدىرىلعان ماتچىندا «قايراتتان» 0:3 ەسەبىمەن جەڭىلىپ قالعان سوڭ كلۋب باسشىلىعى ەشۋورتپەن ەڭبەك كەلىسىمشارتىن مەرزىمىنەن بۇرىن بۇزۋدى ۇيعارعان. پول ەلوردا كلۋبىندا 2019 جىلدان باستاپ اتقارۋشى ديرەكتور لاۋازىمىندا جۇمىس ىستەپ, سوڭعى ايدا باس باپكەر مىندەتىن اتقاردى.
ەسكە سالايىق, «استانانى» ماۋسىمنىڭ باسىندا چەح مامانى ميحال بيلەك جاتتىقتىردى. ول كوماندا چەمپيوندار ليگاسىنان شىعىپ قالعاننان كەيىن ءوز ورنىن بوساتقان ەدى. سودان سوڭ كلۋبتىڭ اتقارۋشى ديرەكتورى پول ەشۋورت باس جاتتىقتىرۋشىنىڭ مىندەتىن اتقاردى.