شاحماتتان قازاقستاننىڭ ەرلەر جانە ايەلدەر قۇراما كوماندالارى 10 قازاندا ازيا شاحمات فەدەراتسياسى ۇيىمداستىراتىن ازيا ۇلتتارى كۋبوگى (Asian Online Nations Cup) جارىسىنا قاتىسادى. جارىستىڭ جۇلدە قورى – 20 000 اقش دوللارى.
ازيا ۇلتتارى كۋبوگى – ازيانىڭ ۇلتتىق قۇرامالارى اراسىندا وتكىزىلەتىن جىلدىڭ ەڭ ءىرى جارىسى سانالادى. ءار ەكى جىل سايىن وتكىزىلەتىن بيىلعى باسەكەگە قازاقستان ەرلەر قۇراماسىنان رينات جۇماباەۆ, رۇستەم حۋسنۋتدينوۆ, مۋرتاس قاجعالەەۆ, ءانۋار ەسماعامبەتوۆ جانە دەنيس ماحنەۆ, ال قىزدار قۇراماسىندا ءبيبىسارا اساۋباەۆا, گ ۇلىسحان ناقباەۆا, گۇلميرا داۋلەتوۆا, اسەل سەرىكباي جانە مەرۋەرت قاماليدەنوۆا باق سىنايدى.
ەسكە سالا كەتەيىك, 2016 جىلى ءابۋ-دابيدە ء(باا) وتكەن ازيا ۇلتتارى كۋبوگىندە قازاقستاندىق شاحماتشىلار كلاسسيكا جارىسىندا قۇرلىقتىق بىرىنشىلىكتىڭ قولا مەدالىن جەڭىپ الدى. 2018 جىلى حامادانداعى (يران) دودادا ەرلەر قۇراماسى ءتورتىنشى ورىنعا, ايەلدەر قۇراماسى بەسىنشى ورىنعا تابان تىرەدى.