قارسىلاستاردىڭ قارىمى قانداي؟

جالپى, قازاقستان ۇلتتىق قۇراماسىنىڭ باس باپكەرى ميحال بيلەك ۇلتتىق قۇراماعا شاقىرعان وسى جولعى فۋتبولشىلارىن وت­كەن ايمەن سالىستىرار بولساق, اسا كوپ وزگەرىس جاساماعان. دەسە دە, قازان ايىنىڭ باسىندا البانيا جانە بەلارۋس قۇراماسىمەن وتە­تىن ويىنعا شاقىرىلعان تى­زىم­­نەن جانكۇيەرلەر ەكى جاڭا فۋتبولشىنىڭ ەسىمىن بايقاعان بولۋى كەرەك. ءبىرى بەلارۋس چەم­پيوناتىنىڭ «رۋح» كلۋبىندا دوپ تەبەتىن جارتىلاي قورعاۋشى – ۆلاديسلاۆ ۆاسيلەۆ بولسا, ەكىن­شىسى ىشكى چەمپيوناتتا ونەر كور­سەتەتىن «جەتىسۋ» كلۋبى­نىڭ شا­بۋىلشىسى – ايبار جاق­سىلىقوۆ.

23 جاستاعى ۆاسيلەۆتىڭ «اتاق­تى» «ولە برازيل» مەكتە­بىنىڭ تۇ­لەگى ەكەنىن جانكۇيەرلەردىڭ ءبىرى بىلسە, ءبىرى بىلە بەرمەيدى. 1997 جى­لى قاراعاندى قالاسىندا تۋعان ۆلاديسلاۆ جەرگىلىكتى «شاحتەر» كلۋبىنىڭ تاربيەلەنۋشىسى سانالادى. «كەنشىلەر» كلۋبىنىڭ جاستار قۇرامىندا ونەر كورسەتىپ جۇرگەندە 2013 جىلى برازيليادا اياقدوپتىڭ قىر-سىرىن مەڭگەرۋگە مۇمكىندىك الادى. پەلەنىڭ وتا­نىنان دوپتى ۇرشىقشا ءيىرۋدى مەڭگەرىپ كەلگەننەن كەيىن دە ۆلا­ديسلاۆ «شاحتەردىڭ» جاس­تار كومانداسىندا وينادى. 18 جاسىندا ەرەكشە تالانتىمەن دارالانىپ, باپكەرلەردىڭ كوزىنە تۇسكەن ول 2015 جىلى نەگىزگى قۇ­رامعا شاقىرتۋ الدى. 2017 جىلعا دەيىن پرەمەر-ليگادا تۋعان قالاسىنىڭ نا­مى­سىن قورعاعان ۆاسيلەۆ بار­لىعى 23 كەزدەسۋدە ءبىر مارتە گول سوقتى.

2018 جىلى شەتەلدە باعىن سىناپ كورۋدى ۇيعارعان جەرلەسىمىز بەلارۋس چەمپيوناتىنىڭ ورتانقول كومانداسى سانالاتىن «ەنەر­گەتيك-بگۋ» كلۋبىمەن كەلىسىم­شارتقا وتىردى. ءبىر جىل ىشىندە 43 ويىنعا قاتىسقان ول 12 گول سوقتى. 2019 جىلى بەلارۋس چەمپيونى اتانعان «دينامو-برەست» كلۋبىنا اۋىسىپ, چەمپيون كلۋب­تىڭ قۇرامىندا ءجۇرىپ 8 كەزدەسۋ وتكىزىپ ۇلگەردى. الايدا 2020 جىلدىڭ اقپانىندا «دينامو» ۆاسيلەۆتى برەستىڭ ەكىنشى كلۋبى سانالاتىن «رۋح» كومانداسىنا جالعا بەردى. ازىرشە 23 ويىن وتكىزگەن وتانداسىمىز التى مارتە قارسىلاستىڭ قاقپاسىن ءدال كوزدەگەن. وسىنداي تابىستى ويى­نىنىڭ ارقاسىندا ۆلاديسلاۆ ۆاسيلەۆ باس باپكەر ميحال بي­لەكتىڭ نازارىنا ىلىگىپ, ۇلتتىق قۇراماعا شاقىرتۋ الدى. دەسە دە, ۆاسيلەۆكە ۇلتتىق قۇرامادا ويناۋ تاڭسىق ەمەس. ويتكەنى ول بۇعان دەيىن دە ءار جىلدارى قازاق­­­ستاننىڭ جاستار قۇرامىندا دا ونەر كورسەتىپ ۇلگەرگەن.

ال 24 جاستاعى تالدىقورعان قالا­سىنىڭ تۋماسى ايبار جاق­سىلىقوۆ تا ۇلتتىق قۇراماعا ءبىرىنشى مارتە شاقىرتۋ الىپ وتىر. ايبار دا ۆلاديسلاۆ سەكىل­دى جەرگىلىكتى كلۋبتىڭ جاستار قۇ­راماسىندا ءجۇرىپ, نەگىزگى كوماندادا ويناۋعا مۇمكىندىك العان. 2018 جىلدان باستاپ «جەتىسۋ» كلۋبىندا قازاقستان بىرىنشىلىگىندە ونەر كورسەتەتىن جاقسىلىقوۆ 2017 جىلى «جەتىسۋ-ب» قۇرامىندا 13 گول سوعىپ, كلۋبتىڭ ۇزدىك سۇر­مەر­­گەنىنىڭ ءبىرى اتاندى. ويى­نى جىلدان-جىلعا العا ىلگە­رى­لەپ, تاجىريبەسى تولىسىپ كەلە جاتقان ايباردىڭ بيىلعى ناتي­جەسى دە جامان ەمەس. پرەمەر-ليگا ويىندارىنىڭ 10-تۋرىن­دا «شاحتەرمەن» وتكەن ماتچ­تىڭ ەكىنشى تايمىندا الاڭعا شىق­قانىنا قاراماستان, قارسىلاس كوماندانىڭ قاقپاسىنا ەكى گول سوعىپ, «جەتىسۋدىڭ» جەڭىسكە جە­تۋىنە سۇبەلى ۇلەس قوستى.

سونداي-اق قۇراماعا شاقىر­تۋ العان ويىنشىلاردىڭ تىزى­مىندە شەتەلدە وينايتىن فۋتبول­شىلارىمىزدىڭ قاتارى كوبەيگەنى كىسى قۋانتادى. ماسەلەن, وسى جولع­ى قۇرامعا التى لەگيونەرىمىز شاقىر­تۋ العان. اتاپ ايتار بول­ساق, قورعاۋشى مارات بىس­تروۆ («احمات», رەسەي») پەن يان ۆو­روگوۆسكي («بەەرسحوت», بەل­گيا), جارتىلاي قورعاۋشىلار باۋىرجان يسلامحان ء(«ال-اين», ءباا), باقتيەر زاينۋتدينوۆ (تسسكا, رەسەي), يسلامبەك قۋات («حيمكي», رەسەي) جانە جوعارىدا ءبىز اتاپ كەتكەن ۆلاديسلاۆ ۆا­سيلەۆ («رۋح», بەلارۋس). وكى­نىش­كە قاراي الداعى ەكى ماتچتا يان ۆوروگوۆسكي ۇلتتىق قۇراماعا كومەكتەسە المايدى. ونىڭ كوروناۆيرۋس بار-جوعىن انىقتايتىن تاپسىرعان تەستى وڭ ناتيجە كور­سەتكەن. باس باپكەر ونىڭ ورنىنا «توبىلدىڭ» قورعاۋشىسى دمي­تري ميروشنيچەنكونى شا­قىرعانىن ايتا كەتەيىك.

ەندى قارسىلاستارىمىزعا توق­تالساق. البانيا قۇراماسى قازاق­ستاندىق جانكۇيەرلەرگە دە, فۋتبولشىلارعا دا جاقسى تانىس. ەكى ەلدىڭ ويىنشىلارى جاسىل الاڭدا ەكى رەت جولىعىپ, وكىنىشكە قاراي ەكەۋىندە دە بال­قان تۇبەگىنىڭ ەلى جەڭىس تويىن تويلاعان. البانيا مەن قازاق­ستان قۇراماسىنىڭ العاشقى «تا­نىستىعى» سوناۋ 2004 جىلى باستالعان. 2006 جىلى گەرمانيادا وتكەن الەم چەمپيوناتىنىڭ ىرىك­تەۋ كەزەڭىندە ءبىر توپتا ونەر كورسەتكەن قۇرامالاردىڭ ال­عاش­قى ويىنى قازاقستاندا ءوتىپ, قوناقتار 1:0 ەسەبىمەن باسىم تۇسكەن-ءدى. اراعا جىل سالىپ البانياعا ساپار شەككەن قازاقستان قۇراماسىنىڭ فۋت­بول­شىلارى بالقان تۇبەگىنەن تاعى دا تاۋى شاعىلىپ قايتتى. بۇل جولى جەرلەستەرىمىز 2:1 ناتيجەسىمەن ەسە جىبەرگەن. قازاق­ستاندىقتاردان جالعىز گولدى ماكسيم نيزوۆتسەۆ سوققانىن ايتا كەتەيىك. ەندى ۇلتتار ليگاسى ايا­سىندا جولدارى تۇيىسكەن ەكى قۇ­راما ءۇشىنشى رەت جاسىل الاڭ­دا كىم مىقتىنى انىقتايدى. ەن­­دە­شە, جەر­لەستەرىمىز ەر كەزە­گى ۇشكە دەيىن دەگەن ماتەلدى بۇرىن­عىلار بە­كەر ايتپاعانىن دالەلدەيدى دەپ سەنەمىز.

يتاليالىق مامان ەدواردو رەيا باپتايتىن البانيا قۇرا­ماسى ەۋروپانىڭ توپ-5 چەمپيوناتىندا وينايتىن لەگيونەر­لەردەن جاساقتالعانىن ەسكەرسەك, وڭاي شاعىلاتىن جاڭعاق دەپ ايتا المايمىز. الەمدىك رەيتينگتە 66-ورىندا تۇرعان قار­سى­لاستارىمىز 2016 جىلى فرانتسياداعى ەۋروپا چەم­پيو­ناتىنىڭ توپتىق كەزەڭىندە ونەر كورسەتكەنىن جانكۇيەرلەر ءالى ۇمىتا قويماعان شىعار. دەسە دە, البانيانىڭ كەيىنگى ويىن­دار­داعى ناتيجەلەرى اسا ءماز ەمەس. بىلتىر ەۋروپا چەمپيوناتىندا اندوررامەن (2:2) تەڭ ءتۇسىپ, جۋىردا ۇلتتار ليگاسىنىڭ العاشقى تۋرىندا قازاقستاننان جەڭىلگەن ليتۆادان ءوز الاڭىندا 1:0 ەسەبىمەن ۇتىلدى.

سونىمەن قاتار قازاقستانمەن وتەتىن ويىنعا البانيا قۇراما­سىنىڭ يتاليا كوماندالارىندا دوپ تەبەتىن بىرقاتار ويىن­­شى­سى كوروناۆيرۋسقا بايلا­نىس­­­تى قاتىسا المايدى. البا­نيالىق باق-تىڭ حابارلاۋىن­شا, ەتريت بەريشا, يلبەر را­ماداني, فلوريان كامبەري, لين­دون سەلاحي جانە كلاۋس گياسۋلاعا يتاليادان شىعۋعا رۇق­سات بەرىلمەگەن. سونداي-اق دەنساۋلىعىنا بايلانىستى قۇرا­مانىڭ نەگىزگى قاقپاشىسى توماس ستراكوشي مەن قورعاۋشى يون مەرسينايا دا وينامايدى. ماتچقا دەيىن وسىنداي ازداعان باسىمدىققا يە بولعان قازاقستان قۇراماسى الداعى ويىندا قالايدا جەڭۋى كەرەك. ونىڭ ۇستىنە ماتچ ءوز الاڭىمىزدا وتەدى.

البانيا قۇراماسىنان كەيىن جەرلەستەرىمىز ەسكى دە جاڭا قار­سىلاسىمىز بەلارۋس ەلىنە اتتانادى. ازىرگە «اقورىستار» قۇراماسى قازاقستان ءۇشىن الىنباس قامالعا اينالدى. بۇگىنگە دەيىن وتكىزگەن ءۇش رەسمي ماتچتا بەلارۋس فۋتبولشىلارى جەڭىسكە جەتسە, 2011 جىلعى جولداستىق كەزدەسۋدە وتانداستارىمىز ارەڭ دەگەندە تەڭ تۇسكەن. وسىدان ءبىر اي بۇرىن الماتىدا وتكەن ماتچ­تا دا قازاقستان قۇراماسى تەڭ ويىنعا لايىق ونەر كورسەتىپ ەدى. الايدا فۋتبولشىمىزدىڭ قاتەلىگىن ۇتىمدى پايدالانعان قارسىلاستارىمىز ءوز ەلىنە جە­ڭىسپەن ورالدى. ەندى بۇعان دە­يىنگى ويىنداردى ايتپاعاننىڭ وزىندە, كەشەگى جەڭىلىستىڭ ەسەسىن وسى جولى قايتارۋ كەرەك. ونى فۋت­بولشىلاردىڭ وزدەرى دە جاق­سى تۇسىنەدى.

قۇراما كاپيتانى باۋىرجان يسلامحان دا ەكى ويىندا جەڭىسكە جەتىپ, التى ۇپاي ولجالاۋ باس­تى مىندەتىمىز دەپ ەسەپتەيدى. «دا­يىندىق جوعارى دەڭگەيدە ءوتىپ جاتىر. ەشكىم دە جاراقات العان جوق. كوماندا جاقسى جاعدايدا, بارلىعىنىڭ كوڭىل كۇيى تاماشا. ەگەر توپتا ءبىرىنشى ورىندى يەلەنگىمىز كەلسە, الداعى ەكى ويىندا دا جەڭىسكە جەتۋىمىز كەرەك. جەڭىس ءۇشىن قولىمىزدان كەلگەننىڭ ءبارىن ىستەيمىز», دەدى كاپيتان.

ەسكە سالا كەتەيىك, 11 قازان­داعى قازاقستان مەن البانيا ارا­سىنداعى ويىن كەشكى ساعات 19:00-دە, ال سىرت الاڭدا وتەتىن بەلارۋس پەن قازاقستان قۇرامالارىنىڭ كەزدەسۋى 15 قازاننان 16-سىنا قاراعان ءتۇنى 00:45-تە باستالادى. ەكى ويىندى دا Qazsport تەلەارناسى تىكەلەي ەفيردە كورسەتەدى.