پەتروپاۆل قالاسىنىڭ «سولنەچنىي» كەنتىندە تۇراتىن قىراعى تۇرعىندار بەلگىلەنبەگەن ورىندارعا قوقىس توگەتىندەر تۋرالى الەۋمەتتىك جلىدە پوست جاريالادى, دەپ حابارلايدى Egemen.kz.
جەلى قولدانۋشىلارى قوقىسپەن كەلگەن تراكتوردى ۆيدەوعا تۇسىرگەن, تراكتور جۇرگىزۋشىسى ۆيدەوعا ءتۇسىرىپ جاتقانىن بايقاپ, ىلگەرى ءجۇرىپ, الىسىراق بارىپ تۇرمىستىق قالدىقتاردى توككەن. الەۋمەتتىك جەلىلەرگە مونيتورينگ جۇرگىزۋ كەزىندە انىقتالعان اتالعان پوستتى سقو پوليتسيا دەپارتامەنتى جەرگىلىكتى پوليتسيا قىزمەتى باسقارماسىنىڭ ءبولىمى باقىلاۋعا الىپ, «سولنەچنىي» كەنتىندە تۇراتىن تراكتور جۇرگىزۋشىسى انىقتادى. تۇرمىستىق قوقىستى جانە تۇرمىستىق قالدىقتاردى جيناپ قويماۋدان, ۋاقتىلى شىعارماۋدان كورىنگەن اباتتاندىرۋ ەرەجەلەرىن بۇزعانى, سونداي-اق قورشاعان ورتانى لاستاعانى ءۇشىن اقبتك 434-2 بابى بويىنشا 1989 جىلى تۋعان سولنەچنىي كەنتىنىڭ تۇرعىنى اكىمشىلىك جاۋاپقا تارتىلدى. وعان اكىمشىلىك قۇقىق بۇزۋشىلىق تۋرالى ءىس بويىنشا قىسقارتىلعان ءوندىرىس تارتىبىندە 5 ايلىق ەسەپتىك كورسەتكىش كولەمىندەگى ايىپپۇل سالىندى.
جىل باسىنان بەرى وبلىس ورتالىعىندا اباتتاندىرۋ قاعيدالارىن بۇزعانى ءۇشىن 3569 ادام اكىمشىلىك جاۋاپكەرشىلىككە تارتىلدى, ورتاق پايدالاناتىن ورىنداردى لاستاعانى جانە قوقىس تاستاعانى ءۇشىن 826 اكىمشىلىك ماتەريال تولتىرىلدى.