ۇكىمەتتىڭ قاۋلىسىمەن قازاننىڭ 10 جۇلدىزى كاسىپوداقتاردىڭ مەرەكەسى بولىپ بەلگىلەنگەن. بۇل كاسىبي مەرەكە 2019 جىلدان بەرى اتالىپ كەلەدى, دەپ حابارلايدى Egemen.kz.
كەشە وسى كۇننىڭ قۇرمەتىنە سولتۇستىك قازاقستان وبلىستىق كاسىپوداقتار ۇيىمىنىڭ وكىلدەرى قىزىلجار قالاسىنىڭ ورتاسىنداعى تۇڭعىش پرەزيدەنت ساياباعىنا اعاشتار وتىرعىزدى. كاسىپوداقتار ۇيىمدارىنىڭ توراعاسى ەرىك نۇراقاەۆتىڭ ايتۋىنا قاراعاندا بۇل ءىس سولتۇستىكقازاقستاندىق كاسىپوداقتاردىڭ ارداگەرلەرىنە دەگەن قۇرمەت. «وبلىستاعى كاسىپوداقتار ۇيىمى 1991 جىلى قۇرىلدى. سول كەزدەن بەرى كوپتەگەن كاسىپوداق بەلسەندىلەرى ومىردەن ءوتتى. ءبىز ولاردىڭ ەرەن ەڭبەكتەرىن جاستارعا ۇلگى ەتۋىمىز كەرەك. ۇرپاقتار ساباقتاستىعى دەگەن وسى. ءبىز بۇل ءىستى داستۇرگە اينالدىرىپ, جىل سايىن كاسىپوداقتار كۇنى قارساڭىندا اعاش ەگەتىن بولامىز», دەدى ول.
اعاش ەگۋ شاراسىنا وبلىستىق كاسىپوداقتار بەلسەندىلەرىنىڭ كوپتەگەن وكىلدەرى قاتىسىپ, تۇڭعىش پرەزيدەنت ساياباعىن جاڭا كوشەتتەرمەن تولىقتىردى.