مەملەكەتتىك جانە ورىس تىلدەرىندەگى بيلبوردتار قالانىڭ 20 ماگيسترالدىق كوشەسىنە جانە 40-قا جۋىق قوعامدىق كولىك ايالداما كەشەندەرىنە ورناتىلدى, دەپ حابارلايدى Egemen.kz ەلوردا اكىمدىگىنە سىلتەمە جاساپ.
ءتۇرلى-ءتۇستى بيلبوردتار ەلوردا حالقىنىڭ ايتۆ-ينفەكتسياسىنىڭ الدىن الۋ جونىندەگى حاباردارلىعىن ارتتىرۋ, ستيگما مەن ديسكرينيماتسيا پروبلەمالارىنا جانە ايتۆ-مەن ءومىر سۇرەتىن ادامداردىڭ قۇقىقتارىنىڭ ساقتالۋىنا جۇرتشىلىقتىڭ نازارىن اۋدارۋ.
اتالعان اكتسيانى ايتۆ-عا تەست تاپسىرۋعا ۇندەۋمەن يۋنەيدس-ءتىڭ قازاقستانداعى "سپورت ايتۆ-عا قارسى" ارنايى وكىلى, وليمپيادا چەمپيونى, ەلىمىزدىڭ جەتى دۇركىن چەمپيونى, قازاقستان رەسپۋبليكاسىنىڭ ەڭبەك سىڭىرگەن سپورت شەبەرى باقتيار ارتاەۆ قولدادى.
جيتس-تىڭ الدىن الۋ جانە وعان قارسى كۇرەس ورتالىعىنىڭ ديرەكتورى س.ب. ابدرايموۆتىڭ ايتۋىنشا, ايتۆ-عا تەستىلەۋ – ايتۆ-نىڭ الدىن الۋ قاعيداتتارىنىڭ ءبىرى, ال ءوز مارتەبەسىن ءبىلۋ بۇگىنگى كۇنى ايتۆ-ينفەكتسياسىنىڭ ەپيدەمياسىنا قارسى ءىس-قيمىل بويىنشا ءبىرىنشى دارەجەلى مانگە يە.
"قابىلدانىپ جاتقان شارالارعا قاراماستان, ايتۆ-ينفەكتسياسىنىڭ ەپيدەمياسى جالعاسۋدا جانە ونىڭ حالىقتىڭ وسال توپتارىنىڭ شەگىنەن جالپى حالىققا شىعۋى ايقىن بولدى. وسىلايشا 2020 جىلدىڭ 9 اي قورىتىندىسى بويىنشا ايتۆ انىقتالعان ادامداردىڭ جارتىسى-تۇراقتى جۇمىسى مەن تابىسى بار الەۋمەتتىك-بەيىمدەلگەن ادامدار. بارلىق جۇقتىرعانداردىڭ شامامەن 70%-ى 20-39 جاس ارالىعىنداعى جاستار. ايتۆ-ينفەكتسياسىنىڭ تارالۋىندا جىنىستىق جول باسىم ءرول اتقارادى, ونىڭ ۇلەسى جىل سايىن ءوسىپ كەلەدى. جاس ەرلەر اراسىندا گوموسەكسۋالدىق قارىم-قاتىناس كەزىندە ايتۆ جۇقتىرۋدىڭ ءوسۋ ءۇردىسى بايقالدى. وسىنىڭ بارلىعى ايتۆ-مەن سىرقاتتانۋشىلىقتىڭ ۇلعايۋ قاۋپىن تۋعىزادى", دەپ ايتۆ-ينفەكتسياسىن ەپيدەميالىق قاداعالاۋ ءبولىمىنىڭ مەڭگەرۋشىسى ينجۋ ايماگامبەتوۆا اتاپ ءوتتى.
نۇر-سۇلتان قالاسىندا 2020 جىلعى 9 ايدىڭ قورىتىندىسى بويىنشا ايتۆ-نىڭ 185 جاعدايى تىركەلدى.
جيتس ورتالىعىندا ديسپانسەرلىك ەسەپتە 1271 ايتۆ جۇقتىرعاندار تۇر, 1117 ادام انتيرەتروۆيرۋستىق تەراپيا الادى.