حالىقارالىق دزيۋدو فەدەراتسياسى (IJF) Grand Slam ءتۋرنيرىنىڭ رەسمي تۇردە باستالاتىنىن مالىمدەدى. پاندەميا باستالعالى بەرى العاش رەت وتكىزىلەتىن جارىس 23-25 قازانعا جوسپارلانعان.
تۋرنير ماجارستاننىڭ باس شاھارى – بۋداپەشتتە وتەدى. جارىس بارىسىندا كوروناۆيرۋستىڭ الدىن الۋعا ارنالعان مەديتسينالىق حاتتاماعا باسا نازار اۋدارىلادى. الەمدەگى ەپيدەميالىق جاعدايعا بايلانىستى تۋرنير كەستەسىنە وزگەرىس ەنۋى مۇمكىن.
ء«بىز IJF ەرەجەلەرىنە سايكەس «ۇلكەن دۋلىعا» ءتۋرنيرى وتەتىن كەزدى اسىعا كۇتۋدەمىز. تۋرنير دەنساۋلىق پەن قاۋىپسىزدىكتى ساقتاۋعا ارنالعان عالامدىق ءىس-شارالار اياسىندا وتەدى. ءبىز COVID-19 جاعدايىنا بەيىمدەلىپ, سۇيىكتى سپورتىمىزدىڭ قايتا ورالۋىنا اتسالىسۋدامىز. سپورتشىلار جارىس الاڭىنا قايتا ورالۋ ءۇشىن ءبىز قولدان كەلگەننىڭ ءبارىن جاسايمىز», دەيدى IJF پرەزيدەنتى ماريۋس ۆيزەر.