«استانا» پرەزيدەنتتىك كاسىبي سپورت كلۋبى (پكسك) جابىلىپ, قۇرامىنا كىرەتىن سپورت كلۋبتارىن قارجىلاندىرۋ ءتارتىبى وزگەرەدى.
اتاپ ايتار بولساق, «استانا» فۋتبول كلۋبى, «استانا» باسكەتبول كلۋبى, «بارىس» حوككەي كلۋبى جانە Astana Pro Team كاسىبي ۆەلوكومانداسى ءوز جۇمىسىن جالعاستىرادى جانە ەندى تىكەلەي «سامۇرىق-قازىنا» قورىنان قارجىلاندىرىلادى.
تاراتىلعان پكسك-نىڭ ەكس-باسشىسى اسقار باتالوۆ Samruk-Kazyna Trust قورى باس ديرەكتورىنىڭ سپورت ماسەلەلەرى جونىندەگى ورىنباسارى رەتىندە قىزمەتىن جالعاستىرا بەرەدى.
ەستەرىڭىزگە سالا كەتەيىك, «استانا» پكسك 2012 جىلى سپورتقا مەملەكەتتىك قولداۋدى كۇشەيتۋ, قازاقستان مەن استانانىڭ الەمدىك ارەناداعى وڭ ءيميدجىن نىعايتۋ, سالاماتتى ءومىر سالتىن ناسيحاتتاۋعا جانە جوعارى سپورتتىق جەتىستىكتەردى دامىتۋعا ىقپال ەتۋ ماقساتىندا قۇرىلعان بولاتىن.