بۇگىن "دارىن" مەملەكەتتىك جاستار سىيلىعىنىڭ لاۋرەاتى, اقىن, "Egemen Qazaqstan" گازەتى ادەبيەت جانە ونەر ءبولىمىنىڭ مەڭگەرۋشىسى ەرلان ءجۇنىس تمد مەملەكەتتەرى مەملەكەتارالىق گۋمانيتارلىق ىنتىماقتاستىق قورىنىڭ (مفگس) "سودرۋجەستۆو دەبيۋتوۆ" حالىقارالىق سىيلىعىنىڭ لاۋرەاتى اتاندى, دەپ حابارلايدى Egemen.kz
بۇل سىيلىقتى تمد مەملەكەتتەرى مەملەكەتارالىق گۋمانيتارلىق ىنتىماقتاستىق قورى 2008 جىلدان بەرى تاعايىنداپ كەلەدى. ءار جىلداردا اقىن-جازۋشىلار, دارىگەرلەر, مۇعالىمدەر, عالىمدار, سپورتشىلار, باسقا دا سالا ماماندارى يەلەندى. 2019 جىل – تمد مەملەكەتتەرىندە "كىتاپ جىلى" بولىپ جاريالانعان ەدى. وسىعان وراي حالىقارالىق سىيلىق ادەبيەت سالاسىنا بەرىلىپ وتىر.