جۇرت دامحاناعا تاماق ىشۋگە كەلسە پەتروپاۆلدىڭ ءبىر تۇرعىنى اقشا ۇرلاۋعا كەلىپتى. ول كاسسيردىڭ كوزىن الا بەرىپ, كاسساداعى بارلىق اقشانى قاقشىپ كەتكەن. وسى «كرەۆەتكا» ءدامحاناسىنىڭ اكىمشىسى كاسسادان 126 مىڭ تەڭگەنىڭ قولدجى بولعانىن پوليتسياعا جەتكىزگەندە ۇرى ءىزىن سۋىتىپ ۇلگەرگەن ەدى.
جەدەل-ىزدەستىرۋ ءىس-شارالارى بارىسىندا ۇرلىق جاسادى دەگەن كۇدىكپەن بۇرىن قاراقشىلىق ءۇشىن سوتتالعان پەتروپاۆل قالاسىنىڭ 27 جاستاعى تۇرعىنى ۇستالىپ, پوليتسيا بولىمىنە جەتكىزىلدى. بۇل ۇرلىقتى اشۋعا كريميناليستەر زور ۇلەس قوستى. جاۋاپ الۋ كەزىندە كۇدىكتى كاسسادان اقشا ۇرلاعانىن راستادى. سول كۇنى ول دامحاناعا ەكى تانىسىمەن بارعان. باردا ەشكىمنىڭ جوق ەكەنىن بايقاعان ول كاسساعا ارام قولىن سۇعىپ جىبەرگەن ەكەن...
قازىر ونىڭ ۇستىنەن قك «ۇرلىق» بويىنشا سوتقا دەيىنگى تەرگەۋ جۇرگىزىلۋدە, كۇدىكتىگە قاتىستى مىندەتتى كەلۋ تۇرىندەگى بۇلتارتپاۋ شاراسى تاعايىندالدى. ءىستىڭ ءمان-جايىن تولىق, جان-جاقتى جانە وبەكتيۆتى زەرتتەۋگە باعىتتالعان تەرگەۋ امالدارى جۇرگىزىلۋدە. سونداي-اق, كۇدىكتىنىڭ باسقا قىلمىستارعا قاتىستىلىعى تەكسەرىلۋدە.
پەتروپاۆل