وسىدان ەكى اپتا بۇرىن پەتروپاۆل قالاسىنداعى «مەچتا» دۇكەنىندە جۇمىس ىستەيتىن دەنيس گريگورەۆ پەن يۆان بارانوۆسكي تەرەزەدەن قۇلاي جازداعان كەيۋانانى قۇتقارۋعا كومەكتەسكەنىن بۇرىن جازعان بولاتىنبىز. كەشە سقو پد باستىعى پوليتسيا پولكوۆنيگى مارات تولەباەۆ وسى ەكى ازاماتقا قىراعىلىعى ءۇشىن العىس حات تاپسىردى.
ازاماتتى اجالدان قۇتقارۋعا كومەكتەسكەن باتىل پەتروپاۆلدىقتاردى ماراپاتتاۋ ءراسىمى قالالىق پوليتسيا باسقارماسىنىڭ جەكە قۇرامىنىڭ قاتىسۋىمەن ءوتتى. «قىزمەتتىك مىندەتتەن باسقا كەزدە دە قيىندىققا تاپ بولعان ادامعا قول ۇشىن سوزۋدى ازاماتتىق بورىش دەپ بىلەتىن ءار ءتۇرلى جاعدايلارمەن پوليتسيا قىزمەتكەرلەرى ۇشىراسىپ جاتادى. ارينە, ءبىزدى ءوز قالاۋلارىمەن پوليتسەيلەرگە كومەكتەسكەندەر, ادام جانىنا اراشا بولعاندار قاتتى قۋانتادى», - دەدى قالانىڭ باس پوليتسەيى.
ەسكە سالا كەتەتىن بولساق, 14 قىركۇيەك كۇنى دۇكەن قىزمەتكەرلەرى پاترۋلدىك پوليتسەيلەرمەن بىرگە تەرەزەدەن قۇلاپ كەتە جازداعان 81 جاسار زەينەتكەرگە دۇكەننىڭ شاتىرىنان تۇسۋگە كومەكتەسكەن بولاتىن. اجەي اۋرۋحاناعا جەتكىزىلگەن. «ادام ءومىرى قىل ۇستىندە تۇرعاندا مەنىڭ ورنىمداعى كەز-كەلگەن جان ويلانباستان ءدال ىزدەي ارەكەت جاسار ەدى دەپ ويلايمىن. ءبىزدىڭ شاعىن ەڭبەگىمىزدى باعالاعان پوليتسيا دەپارتامەنتى باستىعىنا ريزاشىلىعىمدى بىلدىرەمىن», - دەدى العىس العانداردىڭ ءبىرى يۆان بارانوۆسكي.
پەتروپاۆل