شاكىرتى بيىكتەن كورىنسە ۇستاز مەرەيى ارتادى. امبە ءبىلىم ورداسىنىڭ باسەكەگە قابىلەتىلىگى تۇلەكتەرىنىڭ دەڭگەيىمەن ولشەنسە كەرەك. تاريحى تەرەڭ, تاعىلىمى مول «دارىندى بالالارعا ارنالعان ءۇش تىلدە وقىتاتىن م.ارىن اتىنداعى №24 «ەكونوميكا جانە بيزنەس» ارناۋلى ليتسەيى سول ۇدەدەن شىعىپ كەلەدى. بۇگىندە تالدىقورعان قالاسىندا ورنالاسقان ءبىلىم شاڭىرىعى ەلىمىزدەگى ەڭ تاڭداۋلى مەكتەپتەردىڭ ءبىرى.
تۇلەپ ۇشقان تۇلەكتەرى ساپالى ءبىلىمنىڭ ناتيجەسىندە مەملەكەتتىك تەستەن سۇرىنبەي ءوتىپ, تەگىن وقۋعا جولداما الاتىنىن بۇعان دەيىن اقپارات قۇرالدارى جارىسا جازعان بولاتىن. 2015 جىلدان بەرى ۇبت ناتيجەسىمەن ءوڭىر كولەمىندە كوش باستاپ, قازاقستاننىڭ ۇزدىك 27 ماتەماتيكالىق مەكتەپتەر قاتارىنا قوسىلدى.
جالپى, ليتسەيدە 62 مۇعالىم قىزمەت ەتەدى. «ى.التىنسارين» توسبەلگىسىنىڭ يەگەرى, ليتسەي ديرەكتورى ماريا گاليەۆا باستاعان بىلىكتى ماماندار ءتالىمدى شاكىرت تاربيەلەپ, كوپتىڭ ىستىق ىقىلاسىنا يە بولىپ ءجۇر. اتاپ ايتساق, مارزيا كوجاگەلدينوۆا, تۋعاناي اياپوۆا, مۇرات بۋلانوۆ, گۇلبارشىن دولاەۆا, سالتانات يبراەۆا, رىسحان بايشىعاشوۆا, قيسا ماۋلەت, باقىت نۇرعوجاەۆا, كاميدا تۋلەمەتوۆا, زيالى ابيلوۆا, گاۋحار اسىلبەكوۆا سىندى ۇلاعاتتى ۇستازدار توپتاسقان ۇجىمنىڭ بەرەكەسى جاراسقان. قازىرگى قاشىقتان وقىتۋ تەحنولوگياسى نەگىزىندە «Daryn.online» پلاتفورماسىن كەڭىنەن قولدانىپ, اۋديو-ساباقتار ارقىلى وقۋشىلاردىڭ ءبىلىمىن جەتىلدىرۋدە.
ليتسەي مۇعالىمدەرىنىڭ «You Tube» كانالىنداعى ونلاين ساباقتارى دا بۇگىندە ەڭ قاجەتتى رەسۋرس كوزى بولىپ تابىلادى. ءوز كانالدارى ارقىلى تاجىريبەلەرىن ورتاعا سالىپ, وقۋشىلارعا ءتيىمدى اقپاراتتار تاراتىپ جاتىر. بيىلعى ءبىلىم سالاسىنداعى وزگەرىستەرگە قاراماستان, 2019-2020 وقۋ جىلىندا بىتىرگەن 61 وقۋشىنىڭ 56-سى مەملەكەتتىك گرانتتى قانجىعالاعان. بۇل ەلىمىزدەگى ەڭ ۇلكەن ناتيجە. وعان حالىقارالىق بايقاۋلار ورىن العان وقۋشىلارىن قوسىپ سالماقتاپ كورىڭىز.
بالالارىنىڭ جەتكەن جەتىستىكتەرىنە ريزا بولعان اتا-انالاردىڭ مەكتەپ ۇجىمىنا ايتار العىسى شەكسىز. اتاقتى عالىم مۇحتار ارىننىڭ ەسىمىن ارقالاعان ءبىلىم ورداسىنىڭ ءالى دە ۇلكەن بەلەستەردى باعىندىرارىنا سەنەمىز.