پەتروپاۆلدا جولدى ۆەلوسيپەدپەن بەلگىلەنبەگەن جەردەن كەسىپ وتكەن 72 جاستاعى زەينەتكەردى كولىك سوقتى. بەينەكامەرادان جۇرگىزۋشى جاياۋ جۇرگىنشىنى وتكىزگەنىن, ەكىنشى جۇرگىزۋشى توقتاۋعا ۇلگەرمەگەنىن كورۋگە بولادى. جول-كولىك وقيعاسى جامبىل كوشەسىندە ورىن العان. جەدەل جاردەم جابىرلەنۋشىنى ءتۇرلى دەنە جاراقاتتارىمەن اۋرۋحاناعا جەتكىزگەن. مەديتسينالىق كۋالاندىرۋ "Volkswagen Passat" كولىگىنىڭ 29 جاسار جۇرگىزۋشىسىنىڭ ساۋ بولعانىن كورسەتتى.
"جىل باسىنان جولداردا جاياۋ جۇرگىنشىلەر تاراپىنان 4 مىڭداي قۇقىق بۇزۋشىلىق انىقتالدى. جولداعى قايعىلى وقيعالار كوپ جاعدايدا جول قوزعالىسى ەرەجەلەرىن بۇزۋىنان, ونىڭ ىشىندە جولدى بەلگىلەنبەگەن كەسىپ وتەتىن جاياۋ جۇرگىنشىلەر سەبەپشى بولىپ جاتادى", - دەپ اتاپ ءوتتى سقو پوليتسيا دەپارتامەنتى جەرگىلىكتى پوليتسيا قىزمەتى باسقارماسىنىڭ باستىعى پوليتسيا پودپولكوۆنيگى ايدىن بايماتوۆ.
جول قوزعالىسى ەرەجەلەرىنە سايكەس جاياۋ جۇرگىنشىلەر جولدى جاياۋ جۇرگىنشىلەرگە ارنالعان جولاقپەن كەسىپ وتەدى, كورۋ ايماعىندا وتكەل نەمەسە جول قيىلىسى بولماعاندا جولدىڭ ءجۇرۋ بولىگىنىڭ شەتىنە تىك بۇرىشتاپ, ەكى جاقتان دا جاقسى كورىنەتىن جەردەن جولدى كەسىپ وتۋگە بولادى.
سقو-دا جىل باسىنان جاياۋ جۇرگىنشىلەردىڭ كىناسىنان 10 استام جول-كولىك وقيعاسى ورىن الدى.
سولتۇستىك قازاقستان وبلىسى