قۇرلىقتىق حوككەي ليگاسىندا (قحل) باق سىنايتىن ەلوردانىڭ «بارىس» جانە قازاقستان ۇلتتىق قۇراماسىنىڭ ويىنشىسى داررەن ديتس ەكىنشى جىل قاتارىنان ەلىمىزدىڭ ۇزدىك حوككەيشىسى اتاندى.
وتكەن جىلى قازاقستان ازاماتتىعىن العان كانادانىڭ تۋماسى ديتس ساۋالداما قورىتىندىسى بويىنشا 39 بالل جيناپ, «قازاقستاننىڭ ۇزدىك حوككەيشىسى» اتاندى. ەكىنشى ورىندى وتكەن ماۋسىمدا «بارىستىڭ» قاقپاسىن قورعاعان, قازىرگى تاڭدا ءياروسلاۆلدىڭ «لوكوموتيۆ» كلۋبىنىڭ قاقپاشىسى ەددي پاسكۋالە (28) يەلەنسە, ۇزدىك ۇشتىكتى نيكيتا ميحايليس (27) تۇيىندەدى. شىلدە ايىندا 27 جاسقا تولعان ديتس 2019 جىلى دا قازاقستاننىڭ ۇزدىگى اتانعان.