پەتروپاۆل قالاسىنىڭ قاق ورتاسىندا بەينەكامەرالار ارقىلى مونيتورينگ جۇرگىزۋ كەزىندە اكىمشىلىك ۋچاسكەدە بەس ليترلىك ىدىستارمەن اقشىلت سۋسىن ساتىپ وتىرعان ادام كورىنىپ قالادى. ساۋدا استانا كوشەسىندەگى بازاردا ورىن العان, دەپ حابارلايدى Egemen.kz.
اتالعان اقپارات جاقىن ماڭدا ۋچاسكەنى تەكسەرىپ جۇرگەن ۋچاسكەلىك پوليتسيا ينسپەكتورى پوليتسيا كاپيتانى داۋرەن قامزەنوۆكە جەتكىزىلگەن. ول سۇيىقتىقتىڭ ءمانىسىن انىقتاعاندا بازار جۇمىسشىلارىنىڭ ءبىرى اۋدان تۇرعىنىنا بەس ليترلىك 16 بوتەلكەدەگى ارالاستىرىلعان 80 ليتر ءسپيرتتىڭ ءبىر بوتەلكەسىن 2500 تەڭگەگە ساۋدالاپ تۇرعانىن انىقتادى. ساتۋشى – بۇرىن ءىستى بولماعان 30 جاستاعى قالا تۇرعىنى اتالعان الكوگولدىك ءونىمدى بىرەر كۇن بۇرىن بەلگىسىز ادامنان ساتىپ العانىن ايتادى.
اتالعان فاكتى بويىنشا اكىمشىلىك قۇقىق بۇزۋشىلىق تۋرالى كودەكسىنىڭ 282-بابى - «قازاقستان رەسپۋبليكاسىنىڭ ەتيل ءسپيرتى مەن الكوگول ءونىمىن ءوندىرۋدى جانە ونىڭ اينالىمىن مەملەكەتتىك رەتتەۋ تۋرالى زاڭناماسىن بۇزۋ» جانە 463-بابى «تيiستi تiركەۋسiز, رۇقساتسىز نەمەسە حابارلاما جىبەرمەي كاسىپكەرلىك نەمەسە وزگە دە قىزمەتپەن اينالىسۋ, سونداي-اق ارەكەتتەردi (وپەراتسيالاردى) جۇزەگە اسىرۋ» بويىنشا ماتەريالدار جينالدى. تاركىلەنگەن الكوگولدىك ءونىم سانيتارلىق-گيگيەنالىق ساراپتاماعا جىبەرىلدى. الداعى ۋاقىتتا ماتەريالدار پروتسەسسۋالدىق شەشىم قابىلداۋ ءۇشىن مامانداندىرىلعان اكىمشىلىك سوتىنا جولدانادى.