«بارىس» مۇزايدىنعا قاشان ورالادى؟

ورتالىق كوممۋنيكاتسيالار قىز­مەتىندە وتكەن ءداستۇرلى بري­فينگتە دەنساۋلىق ساقتاۋ مينيس­ترلىگىنىڭ رەسمي وكىلى باعدات قوجاح­مەتوۆ 17 قىركۇيەكتە «با­رىس» حوككەي كومانداسىنىڭ 11 ادا­مىندا COVID-19-دىڭ بار-جوعىن انىقتاۋ ءۇشىن تاپسىرعان تەست وڭ ناتيجە كورسەتكەنىن حابار­لادى. كەيىننەن 22 قىركۇيەكتە باي­لانىستا بولعان 29 ادامدى تەك­سەرۋ كەزىندە كوماندانىڭ تاعى 8 مۇشەسىندە ينفەكتسيا انىقتالدى. ءسويتىپ بارلىعى 19 ادامنان كوروناۆيرۋس تابىلعانى بەلگىلى بولدى. ولاردىڭ ىشىندە تەك ويىن­شىلار عانا ەمەس, باپكەرلىك قۇرام­نىڭ وكىلدەرى دە بار. بارلىعى قازىر امبۋلاتوريالىق جاعدايدا ەم قا­بىل­داپ جاتىر ەكەن.

قحل باسشىلىعى وسى ماسەلەگە بايلانىستى «بارىستىڭ» ويىندارىن كەيىنگە شەگەرۋ تۋرالى شەشىم قابىلدادى. ەلوردا كومانداسى جارىستى «نوماد» كلۋبىنىڭ ويىنشىلارىمەن دە جالعاستىرا بەرۋگە بولار ەدى, الايدا نەگىزگى قۇرامنىڭ باپكەرلەرى دە ىندەتكە شالدىققان سوڭ ماتچتى كەيىنگە شەگەرۋگە ءماجبۇر بولعان. بىراق قحل «بارىسقا» 1 قازاننان كەيىن مۇزايدىنعا شىعۋى ءتيىس ەكەنىن ەسكەرتكەن. قازاقستاندىق كومان­دا كارانتينگە بايلانىستى تۇراقتى بىرىنشىلىكتى ۋاقىتشا جال­عاستىرا ال­مايتىن بولسا, تەح­نيكالىق جە­ڭىلىس بەرىلەتىنىن دە قاداپ ايت­قان.

ال «بارىس» كلۋبىنىڭ ءباسپا­سوز قىزمەتىنىڭ جەتەكشىسى ەۆگەني اكمانوۆ 4 قازاندا تۇراقتى بىرىن­شىلىكتىڭ بەكىتكەن كەستەسىنە ساي­كەس سكا كومانداسىمەن مۇزاي­دىنعا شىعۋعا دايىندالىپ جات­قانىن جەتكىزدى. بىراق رەسەيلىك كوماندانىڭ دا بىرقاتار ويىنشىسى كوروناۆيرۋسقا شالدىققان. سكا دا ماتچتارىن فارم-كلۋبىن­داعى جاس حوككەيشىلەرىمەن وتكىزىپ ءجۇر. وسىلايشا, «بارىس» ويىن جوسپارلانعان مەرزىمدە وتەدى دەپ ۇمىتتەنگەنىمەن, ماتچتىڭ وتپەي قالۋى دا مۇمكىن. ونىڭ بىرنەشە سەبەبى بار.

بىرىنشىدەن, ەكى كلۋبتىڭ بى­رىندە ويىنعا دەيىن ۆيرۋس بەلەڭ السا, ماتچ كەيىنگە شەگەرىلۋى ابدەن مۇمكىن. ەكىنشىدەن, سكا كومانداسى قازاقستانعا كەلۋدەن باس تارتۋى نەمەسە ءتۇرلى سەبەپتەرمەن كەلمەي قالۋى دا عاجاپ ەمەس. ۇشىنشىدەن, «با­رىس» دالەلدى سەبەپتەرمەن كو­ماندالىق كارانتيندى ۇزارتىپ, ماتچتى ويناۋدان باس تارتىپ, تەح­ني­كالىق جەڭىلىسكە كەلىسىم بەرۋى ىقتيمال. ويتكەنى «بارىستا» كۇن­تىزبەنىڭ تىعىزدىعىنا بايلانىس­تى, قالعان كەزدەسۋلەردى كەيىنگە شە­گەرۋگە ەندى مۇمكىندىك جوق. وسى جانە باسقا دا سەبەپتەرمەن ەلور­دا كومانداسىنا بەلگىلەنگەن مەر­زىمدە مۇزايدىنعا ورالماۋ قاۋپى تۋىنداپ تۇر.

ايتا كەتەيىك بۇعان دەيىن «با­رىستىڭ» كەيىنگە شەگەرىلگەن التى ماتچىنىڭ تورتەۋىنىڭ ۋاقىتى بەل­گىلى بولدى. ياعني «سوچيمەن» كەز­دەسۋ 28 قازانعا, «كۋنلۋنمەن» بولاتىن ويىن 19 جەلتوقسانعا جəنە «مەتاللۋرپەن» ماتچ  2021 جىلدىڭ 3 اقپانىنا جوسپارلانعان. ال 3 قا­راشادا «بارىس» ەلوردادا ري­گانىڭ «ديناموسىن» قابىلداۋى ءتيىس.

«بارىس» كومانداسى قحل-ءدىڭ بيىلعى ماۋسىمىندا كا­ران­­تينگە دەيىن التى كەزدەسۋ وت­كىزىپ, 7 ۇپايمەن «شىعىس» كون­فەرەنتسياسىندا توعىزىنشى ورىندا, چەرنىشوۆ ديۆيزيونىندا ءتورتىنشى ورىندا كەلە جاتىر. قازىرگى تاڭدا جەرلەستەرىمىزدىڭ ەنشىسىندە ەكى جەڭىس جانە ءتورت جەڭىلىس بار. ونىڭ ۇشەۋىندە وۆەر­تايم جانە بۋلليت سەرياسىندا قارسىلاستارىنا ەسە جىبەر­گەن. تۇراقتى ليگانىڭ بي­ىل­عى تۇساۋكەسەر كەزدەسۋىندە «بارىس» حوككەيشىلەرى ريگانىڭ «دينا­موسىنان» جانە ءتورتىنشى تۋردا قى­تايدىڭ «كۋنلۋن رەد ستار» كلۋ­بىنان 3:2 ەسەبىمەن ايلاسىن اسىر­عان بولاتىن. ەلوردا ۇجىمى التى كەزدەسۋدە قارسىلاستار قاق­پا­سىنا جالپى سانى 16 شايبا سوعىپ, ءوز قاقپاسىنا 19 گول وتكىزىپ العان.