ۇلتتىق پاركتەر اۋماعىندا ءتۋريزمدى دامىتۋ – اسىرەسە پاندەميا جاعدايىندا وزەكتى ماسەلە بولىپ وتىر. كوپتەگەن قازاقستاندىق وزدەرى ءۇشىن تابيعي اۋماقتاردىڭ سۇلۋلىعىن جاڭا قىرىنان اشقانى بەلگىلى. وكىنىشكە قاراي, تۋريستەرگە ءاردايىم جەتكىلىكتى دەڭگەيدە قىزمەت كورسەتىلمەيدى, سونداي-اق تۋريستەر بۇل نازىك ەكوجۇيەلەردە وزدەرىن دۇرىس ۇستاي بىلمەيدى.
مادەنيەت جانە سپورت مينيسترلىگىنىڭ تۋريزم يندۋسترياسى كوميتەتى مەن Kazakh Tourism ۇك اق وسى قۋاتتى تابيعي جانە تۋريستىك رەسۋرستى تابىستى دامىتۋ ءۇشىن اقش-تىڭ ۇلتتىق پاركتەر قىزمەتىنىڭ تاجىريبەسىنە جۇگىنەدى. جۋىردا اقش-تاعى ەرەكشە قورعالاتىن اۋماقتاردى باسقارۋدىڭ امەريكالىق مودەلىن پايدالانا وتىرىپ, قازاقستاننىڭ ۇلتتىق پاركتەرىندە ەكوتۋريزمدى دامىتۋعا ارنالعان ونلاين رەجىمدەگى العاشقى جۇمىس كەزدەسۋى ءوتتى.
ءىس-شارانى اقش ۇلتتىق پاركتەرىن دامىتۋ جونىندەگى ۋاكىلەتتى ورگاننىڭ (اقش-تاعى ۇلتتىق پاركتەردى دامىتۋ جونىندەگى ۋاكىلەتتى ورگان) قولداۋىمەن Kazakh Tourism ۇك اق جانە سان-فرانتسيسكوداعى قازاقستاننىڭ باس كونسۋلدىعى ۇيىمداستىردى. رۋدي د’الەسساندرو, اقش ۇلتتىق پاركتەر قىزمەتىنىڭ حالىقارالىق ىستەر جونىندەگى باسقارماسى (Rudy D’Alessandro, Office of International Affairs, USNPS) قاتىسۋشىلارمەن اقش-تاعى ۇلتتىق پاركتەردىڭ بيزنەس-پروتسەستەرىن باسقارۋ تاجىريبەسىن ءبولىستى
«ۇلتتىق پاركتەر قىزمەتىنىڭ 14 مىڭعا جۋىق تۇراقتى قىزمەتكەرى بار. جۇمىسقا ەرىكتىلەر دە تارتىلادى. پارك رەيندجەرلەرى كەلۋشىلەر ءۇشىن كونتەنت جاساۋعا, زاڭداردىڭ ساقتالۋىن قامتاماسىز ەتۋگە نەمەسە تابيعي رەسۋرستاردى باسقارۋعا مامانداندىرىلۋى مۇمكىن. سونداي-اق پاركتە پارك پوليتسياسى, ءورت ءسوندىرۋشى, بيولوگ, ەكولوگ, تاريحشى, قىزمەت كورسەتۋ ينجەنەرى, ساۋلەتشى جانە وزگە دە كوپتەگەن قىزمەتكەر جۇمىس ىستەيدى», دەدى ق.سادۋاقاسوۆ.
سونىمەن قاتار ۇلتتىق پاركتەردىڭ قىزمەتكەرلەرى قازىرگى ۋاقىتتا جەكە بيزنەسپەن جىل سايىن 1 ميلليارد دوللاردان استام سوماعا قىزمەت كورسەتەتىن, 500-دەن استام كونتسەسسيالىق كەلىسىمشارت جاسالعانىن اتاپ ءوتتى. قۇرامىنا قالالىق پاركتەر كىرەتىن پاركتەر قىزمەتىن قارجىلاندىرۋدىڭ, جالپى العاندا, 85%-ى بيۋدجەتتىك تۇسىمدەردەن تۇرادى.
ءوز كەزەگىندە, Kazakh Tourism ۇك اق باسقارما توراعاسىنىڭ ورىنباسارى ق.سادۋاقاسوۆ قازاقستاننىڭ ۇلتتىق تابيعي پاركتەرىنىڭ تۋريستىك الەۋەتى تۋرالى ايتىپ, امەريكالىق ارىپتەستەرمەن تىعىز قارىم-قاتىناستىڭ ماڭىزدىلىعىن اتاپ ءوتتى.
«تۋريستىك سالانى دامىتۋدىڭ مەملەكەتتىك باعدارلاماسىن ىسكە اسىرۋ شەڭبەرىندە مەملەكەتتىك ۇلتتىق تابيعي پاركتەردى باسقارۋدىڭ جاڭا مودەلىن ەنگىزۋ كوزدەلەدى. وسىعان بايلانىستى, ۋاكىلەتتى ورگاندارمەن بىرلەسىپ, قازاقستاندىق تاراپ امەريكالىق ارىپتەستەرىنەن ۇلتتىق پاركتەردى باسقارۋدىڭ تابىستى تاجىريبەسىن الۋعا مۇددەلى. سونىمەن قاتار تۋريستەردىڭ مادەنيەتىن ارتتىرۋ ماڭىزدى, بۇل رەتتە امەريكالىق ارىپتەستەردىڭ ءبىز زەرتتەپ, قابىلداعىمىز كەلەتىن ءساتتى تاجىريبەلەرى بار».
ءسوز سويلەۋ بارىسىندا ەكى تاراپتان بيوالۋانتۇرلىلىكتى ساقتاۋ مەن ءتۋريزمدى دامىتۋ اراسىنداعى تەپە-تەڭدىكتى ساقتاۋدىڭ ماڭىزدىلىعىنا باسا نازار اۋدارىلدى. سونىمەن قاتار اقش-تا بالا كىشكەنتاي كەزىنەن باستاپ پاركتەردەگى مىنەز-ق ۇلىق مادەنيەتى ءارتۇرلى وقۋ باعدارلامالارى مەن ويىندار ارقىلى تاربيەلەنەدى.
ءىس-شارا قورىتىندىسى بويىنشا تاراپتار تىعىز ىنتىماقتاستىقتى جالعاستىرۋعا جانە اقش ۇلتتىق پاركتەرىندە ەكولوگيالىق ءتۋريزمدى جۇزەگە اسىرۋ زاڭناماسى, مەملەكەتتىك-جەكە مەنشىك ارىپتەستىك, رەكرەاتسيالىق جۇكتەمەنى ايقىنداۋ, ۇلتتىق پاركتەرگە كەلۋشىلەر سانىن رەتتەۋ, ۆولونتەرلىك قىزمەتتى جۇزەگە اسىرۋ جانە مەكتەپ وقۋشىلارىن ءبىلىم بەرۋ پروتسەسىنە تارتۋ تاقىرىپتارى بويىنشا ونلاين-فورماتتا بىرقاتار قوسىمشا كەزدەسۋ وتكىزۋگە كەلىسىم جاسادى.