بۇگىندە Nur Otan پارتياسىنىڭ باستاماسىمەن قولعا الىنعان «پرايمەريز» جوباسىنا «تاراز پەترول سەرۆيس» جاۋاپكەرشىلىگى شەكتەۋلى سەرىكتەستىگىنىڭ قۇرىلتايشىسى ەسەي مۋحيەۆ Nur Otan پارتياسىنان جامبىل وبلىستىق ءماسليحاتىنىڭ دەپۋتاتتىعىنا كانديدات رەتىندە ۇسىنىلۋدا.
ەسەي قادىم ۇلى ءوزىنىڭ سايلاۋالدى باعدارلاماسىن ء«سوز بەن ءىستىڭ بىرلىگى» دەپ اتادى. «پرەزيدەنت قاسىم-جومارت توقاەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋىندا «ەلباسى ۇسىنعان 2050 جىلعا دەيىنگى ۇزاق مەرزىمدى دامۋ ستراتەگياسىنا جانە ۇلت جوسپارىنا سايكەس بىرقاتار قۇرىلىمدىق مىندەتتەردى ىسكە اسىرۋىمىز كەرەك», دەگەن باستى مىندەتتەردى نەگىزگە الا وتىرىپ, وسى دوداعا تۇسۋگە شەشىم قابىلدادىم. بۇل شەشىم تۋعان ەلىمە, وسكەن ورتاما دەگەن قۇرمەتتەن جانە جەكە ۇستانىمنان تۋىنداپ وتىر. مەنىڭ جەكە ۇستانىمدارىم: ماقساتكەرلىك! بەلسەندىلىك! ونىمدىلىك!», دەيدى ەسەي مۋحيەۆ.
ەسەي قادىم ۇلى 1966 جىلى جامبىل وبلىسى, بايزاق اۋدانى, قوستوبە اۋىلىندا كوپبالالى وتباسىندا دۇنيەگە كەلگەن. اكەسى 40 جىل مەكتەپ ديرەكتورى بولعان. اناسى بالا تاربيەسىمەن اينالىسقان. ەسەي مۋحيەۆ جامبىل گيدرومەليورەتيۆتى-قۇرىلىس ينستيتۋتىن قىزىل ديپلوممەن بىتىرگەن. العاشقى ەڭبەك جولىن شىمكەنت قالاسىنداعى «جوبالاۋ» ينستيتۋتىندا ينجەنەر بولۋدان باستاعان. كەيىننەن «جامبىلحيمقۇرىلىس» مەكەمەسىندە شەبەر, پروراب, ءبولىم باسشىسى سەكىلدى باسپالداقتاردان وتكەن. ەلىمىز تاۋەلسىزدىك العان جىلداردان بەرى, ياعني 25 جىل بويى كاسىپكەرلىكپەن اينالىسىپ كەلەدى. كاسىپكەر ماقساتكەرلىكتى ادامنىڭ ماقساتقا قول جەتكىزۋگە قابىلەتتىلىگى دەپ باعالايدى. ول كاسىپكەردىڭ سىرتقى جانە ىشكى تەپە-تەڭدىگى – نارىقتىڭ باسەكەلەس زاڭىنا دايىن بولۋى وسى ماقساتكەرلىكپەن قالىپتاساتىنىن ايتادى. «بەلسەندىلىك – كۇندەلىكتى قاراپايىم ماسەلەنى ەرتەڭگە قالدىرماي, بۇگىن شەشۋ, ستراتەگيالىق ماسەلەنىڭ بار ەكەنىن سانادا ۇستاۋ. ونىمدىلىك – بۇل داعدى, ناتيجەنى كورۋ. ال تيىمدىلىك – جۇمىس ساپاسىنا جەتۋ. دەپۋتات حالىقتىڭ مۇڭ-مۇقتاجىن, الەۋمەتتىك ماسەلەلەرىن, ەل قاجەتتىلىگىن ساۋاتتى تۇردە بيلىك وكىلدەرىنە جەتكىزە بىلەتىن تۇلعا ەكەندىگىن ەسكەردىم. سوندىقتان وبلىس كولەمىندەگى ەكونوميكالىق جانە الەۋمەتتىك دەڭگەيدەگى وزەكتى ماسەلەلەردى شەشۋگە, وبلىستىق ماسليحاتقا دەپۋتاتتىققا ۇمىتكەر بولىپ تۇسۋگە وزىمە جاۋاپكەرشىلىك الدىم», دەيدى ەسەي مۋحيەۆ. «ماقساتكەرلىك! بەلسەندىلىك! ونىمدىلىك!» قاعيداسىنا بەرىك كاسىپكەر ءوزى قۇرعان «تاراز پەترول سەرۆيس» جاۋاپكەرشىلىگى شەكتەۋلى سەرىكتەستىگىندە 400-دەن استام ادامدى جۇمىسپەن قامتىپ وتىر. «ونىڭ 50 پايىزى بايزاق اۋدانىنىڭ تۇرعىندارى. ءبىزدىڭ نىساننىڭ 30 پايىزى بايزاق اۋدانىندا ورنالاسقان. قازىردىڭ وزىندە سالىق تولەمى وسى اۋدانعا تۇسۋدە. قايىرىمدىلىق جاساۋ ءوز الدىنا ءبىر باعىت رەتىندە قاراستىرىلادى», دەيدى ول. سونداي-اق ەسەي قادىم ۇلى وبلىستىق-ايماقتىق «اتامەكەن» كاسىپكەرلەر كەڭەسىنىڭ مۇشەسى. Nur Otan پارتياسى «نۇر باستاۋ» باستاۋىش ۇيىمىنىڭ توراعاسى.
ەسەي مۋحيەۆتىڭ سايلاۋالدى باعدارلاماسىندا جاپپاي كاسىپكەرلىكتى اشۋ جانە دامىتۋدى ساناعا ءسىڭىرۋ, اۋىل, اۋدان, وبلىس تۇرعىندارىنا كاسىپ اشۋدى جانە كاسىبىن جاڭا باستاعان جاس كاسىپكەرلەرگە كاسىبىن دامىتۋدى كەزەڭ-كەزەڭىمەن قاراستىرۋدى ناسيحاتتاۋ جۇيەنى اقپاراتتاندىرۋدى قولعا الۋ. شاعىن جانە ورتا بيزنەستى دامىتۋ, شالعاي اۋىلداردان باستاپ بيزنەس ورتالىقتارىن اشۋ, «بيزنەس باستاۋ», «جەكە كاسىپكەر», «جول كارتاسى-2025», «ەڭبەك» باعدارلاماسى ارقىلى اۋداندا ءار دەڭگەيدە كاسىپكەرلىكتىڭ اشىلۋىنا سەبەپشى بولۋ, اۋىل شارۋاشىلىعى مەن مال شارۋاشىلىعىن دامىتۋ ماقساتىندا زەرتتەۋ اگروينستيتۋتتارىمەن بىرلەستىكتە كولەمدى ناتيجەگە جەتەتىن وڭتايلى جولدارىن ەنگىزۋ, ۇزاقمەرزىمدى كەلىسىمدى شارتتار جاساسۋدىڭ پايدالى تۇستارىن تەرەڭدەتۋ. قارقىندى دامۋ جانە ينكليۋزيۆتى ەكونوميكا مىندەتتەرىنە باسىمدىق بەرۋدە كوپبالالى انا, مۇمكىندىگى شەكتەۋلى بالا, ەلىمىزگە ورالعان وتباسىلارىن قولداۋدى جۇيەلى باسشىلىققا الۋ جانە ونەركاسىپ سالاسىن اشۋ مەن دامىتۋدا كاسىپورىندار اشىلۋىنا مۇرىندىق بولۋ ماسەلەلەرىن كوتەرگەن. سونىمەن قاتار اۋىلدى جەرلەردە سپورتتىق نىساندار سالۋ جانە تەگىن قىزمەت كورسەتۋگە اتسالىسۋ, مۇعالىم مەن اتا-انانىڭ ورتاق ماسەلەسى, اتا-انانىڭ بىلىكتىلىگىن ارتتىرۋ ورتالىعىن اشۋ, مۇمكىندىگى شەكتەۋلى جانداردىڭ دا كاسىپ اشۋىنا ىقپال ەتۋ, ونى دامىتۋعا تالىمگەرلىك توپ قۇرۋ, جاس بۋىندى ناتيجەلى ەڭبەككە باۋلۋ, اۋىلعا ەگىستىك جەردى بولۋگە قوسىمشا ىقپال ەتۋ, ەڭبەك ورىندارىندا «الەۋمەتتىك ءليفتىنىڭ» تەتىكتەرىن قۇرۋعا اتسالىسۋ, اسىل تۇقىمدى مال باسىن كوبەيتۋ, مالشى كاسىبىنە جاعداي تۋعىزۋ, الەۋمەتتىك تولەم, ەكونوميكالىق تۇراقتى ايماق قۇرۋ, ەل ەكونوميكاسىن ارتتىرۋعا ۇلەس قوسۋ – ەسەي مۋحيەۆتىڭ نەگىزگى باعدارلاماسى. «بۇگىندە وبلىس جانە اۋىل ماسەلەسىن بىلەمىن. تۇرعىنداردىڭ جارقىن بولاشاعى ءۇشىن ءبىلىمىم مەن بىلىكتىلىگىمدى جۇمسايمىن. ءسوز بەن ءىستىڭ بىرلىگىن ءار ءسات جادىمدا ۇستاۋعا وزىمە تولىقتاي جاۋاپكەرشىلىك الامىن», دەيدى ەسەي مۋحيەۆ.
جامبىل وبلىسى