بۇگىن سولتۇستىك قازاقستان وبلىسىنىڭ قىزىلجار اۋدانىنىڭ اۋماعىندا پەتروپاۆلدان ەسىل اۋدانىنا كومىر اپارا جاتقان 38 جاستاعى جىگىت جۇرگىزۋىندەگى "كاماز" ءاۆتوموبيلىنىڭ تىركەمەسى اۋدارىلىپ قالىپ, جولعا جانە جول جيەگىندەگى تەمىر قورشاۋلارعا زاقىم كەلتىردى, دەپ حابارلايدى Egemen.kz
ايتۋىنا قاراعاندا ول الدىندا ءجۇرىپ بارا جاتقان ءاۆتوموبيلدىڭ باعدارشامعا شۇعىل توقتاعانىندا وعان سوعىلىپ قالماس ءۇشىن ماشيناسىن جەدەل بۇرىپ, توقتاتقانىندا ۇستىنە كومىر تولتىرىلعان تىركەمە اۋدارىلىپ قالعان.
وقيعا ورنىنا كەلگەن قىزىلجار اۋدانى پوليتسيا ءبولىمى قۇرامىنداعى اكىمشىلىك پوليتسيانىڭ ينسپەكتورى جول-كولىك وقيعاسى بويىنشا ماتەريال جيناپ, اپاتتىڭ سالدارىن جويۋ ءۇشىن جەدەل تۇردە ءتيىستى شارالار قابىلدادى. "قازاقاۆتوجول" جشس-نىڭ جۇمىسشىلارى بىرنەشە ساعات ىشىندە زاقىمدانعان قورشاۋلاردى قالپىنا كەلتىردى. اكىمشىلىك قۇقىق بۇزۋشىلىق تۋرالى كودەكستىڭ 610-بابى بويىنشا جينالعان اكىمشىلىك ماتەريال شىعىن كولەمى انىقتالعان سوڭ سوتقا جىبەرىلەدى.
سولتۇستىك قازاقستان وبلىسى