قازاقستاندىق تەننيسشى يۋليا پۋتينتسەۆا ريمدە (يتاليا) ءوتىپ جاتقان WTA ساناتىنداعى حالىقارالىق ءتۋرنيردىڭ العاشقى كەزەڭىندە ءساتتى ونەر كورسەتكەنىمەن, شيرەك فينالدا جولى بولمادى.
جارىستىڭ ¼ كەزەڭىندە جەرلەسىمىز قازىرگى تاڭدا الەمدىك رەيتينگتە ەكىنشى ورىندا تۇرعان ايگىلى رۋمىنيالىق تەننيسشى سيمنوي حالەپپەن كەزدەستى. العاشقى كەزەڭدە پۋتينتسەۆا 6:2 ەسەبىمەن قارسىلاسىنا ەسە جىبەرسە, ەكىنشى سەتتە دە 2:0 ەسەپ ايىرماسىمەن جەڭىلىپ جاتقان ەدى.
جەڭىستى ج ۇلىپ الۋ ءۇشىن بارىن سالعان وتانداسىمىز ابايسىزدا جاراقات الىپ, ويىندى جالعاستىرا الماي جارىستان شىعۋعا ءماجبۇر بولدى. ەكى تەننيسشى كورتتا 48 مينۋت شەبەرلىك بايقاستى. وسىلايشا, يۋليا حالەپتەن ەكىنشى مارتە جەڭىلىپ وتىر. بۇعان دەيىن دە ەكەۋى ءبىر مارتە كورتتا جولىعىپ, باسەكە رۋمىنيالىقتىڭ جەڭىسىمەن اياقتالعان-دى.
ەسكە سالا كەتەيىك, وسى جارىستىڭ شيرەك فينال باسەكەسى ءۇشىن وتكەن كەزدەسۋدە پۋتينتسەۆا قازاقستاننىڭ ءبىرىنشى راكەتكاسى ەلەنا رىباكينانى جەڭگەن ەدى.