سقو وبلىستىق پد ءباسپاسوز قىزمەتىنەن كەلگەن مىنا حابارعا تاڭ قالماسقا لاجىڭ جوق. وندا ەسىل اۋدانىنىڭ ءبىر تۇرعىنى اۋداندىق اۋرۋحاناعا كەلىپ, دارىگەرلەردى ۇرىپ, ودان «جەدەل جاردەم» كولىگىن ايداپ اكەتپەك بولعانى تۋرالى ايتىلادى, دەپ حابارلايدى Egemen.kz.
37 جاسار ادام ماساڭ كۇيدە بولعان. بىراق نەگە ناقتى اۋرۋحاناعا شابۋىل جاساعانى جانە دارىگەرلەردى نەگە ۇرعانى تۋرالى ايتىلماعان. بۇل جەردە تەك بۇل ادامعا مەديتسينا قىزمەتكەرلەرىنىڭ زاردابى وتكەنىن بولجاۋعا بولادى. اشىنباعان ادام بولسا اۋرۋحاناعا شابۋىل جاساۋى مۇمكىن ەمەس قوي.
پوليتسيانىڭ حابارىنا قاراعاندا ول سول اۋرۋحانانىڭ ءبىر «جەدەل جاردەم» كولىگىن شوپىرىنان تارتىپ الىپ, ءمىنىپ كەتكەن. سوسىن باسقا جەردە تۇرعان «ۆاز 2121» قىزمەتتىك اۆتوكولىگىنە سوعىلىپ, توقتاعان. سوڭىنان كەلگەن جۇرگىزۋشىنى دە سوققىعا جىققان. شاقىرتۋ بويىنشا جەتكەن ۋچاسكەلىك پوليتسيا ينسپەكتورى عانا ونى كۇشپەن ۇستاعان.
ەسىل اۋدانى پب باستىعى, پودپولكوۆنيك ەرلىك ەسلامبەكوۆ اتالعان فاكتى بويىنشا سوتقا دەيىنگى تەرگەپ-تەكسەرۋدىڭ شارالارى باستالعانىن ءمالىم ەتتى. «قۇقىق بۇزۋشى قىلمىستىق كودەكستىڭ «اۆتوموبيلدi نەمەسە وزگە دە كولiك قۇرالىن جىمقىرۋ ماقساتىنسىز قۇقىققا سىيىمسىز يەلەنىپ الۋ» تۋرالى ايتىلعان 200-ءشى بابى بويىنشا ايىپتالۋدا. سونىمەن قاتار وعان اكىمشىلىك قۇقىق بۇزۋشىلىق تۋرالى كودەكستىڭ «جۇرگىزۋشىنىڭ كولىك قۇرالىن الكوگولدىك, ەسىرتكىلىك جانە (نەمەسە) ۋىتقۇمارلىق ماساڭ كۇيدە باسقارۋى, سول سياقتى كولىك قۇرالىن الكوگولدىك, ەسىرتكىلىك جانە (نەمەسە) ۋىتقۇمارلىق ماساڭ كۇيدەگى ادامنىڭ باسقارۋىنا بەرۋ» بابى بويىنشا حاتتاما تولتىرىلدى. سوتقا دەيىنگى تەرگەۋ بۇزۋشى 20 تاۋلىك اكىمشىلىك قاماۋ جازاسىن وتەگەننەن كەيىن جالعاساتىن بولادى. جۇرگىزۋشىنى سوققىعا جىعۋ فاكتىسى بويىنشا پروتسەسسۋالدىق شەشىم سوت-مەديتسينالىق ساراپتاماسىنان كەيىن قابىلداناتىن بولادى», دەدى ول.
الايدا ادامنىڭ اۋرۋحاناعا نەگە شابۋىل جاساعانىن انىقتاۋ بويىنشا ەشنارسە ايتىلمايدى. پوليتسيا كوزىنە تۇسكەن بۇزۋشىلىقتى عانا ەمەس, ونىڭ سەبەپتەرىن دە انىقتاسا قۇبا قۇپ بولار ەدى. ادامدى اشىندىرىپ, اياماس حالگە جەتكىزۋدىڭ ءوزى دە قىلمىس ەمەس پە؟ مەملەكەتتىك ورگاندار بارلىق ىسكە ادىلەتتىكپەن قاراۋى كەرەكتىگىن جۋىردا ءوزىنىڭ جولداۋىندا پرەزيدەنت تە تالاپ ەتتى. سوندىقتان بۇل ازاماتتىڭ ءىس-ارەكەتىنە سوت كەڭىرەك تۇرعىدان قاراپ, ادىلەتتى شەشىم قابىلدار دەگەن ۇمىتتەمىز.