بۇگىن – داڭقتى فۋتبولشى, بىلىكتى باپكەر, ىسكەر باسشى فرانتس بەككەنباۋەردىڭ تۋعان كۇنى. الەمدىك دەڭگەيدەگى شوقجۇلدىز 75 جاسقا تولىپ وتىر.
1945 جىلدىڭ 11 قىركۇيەگىندە گەرمانيانىڭ ميۋنحەن قالاسىندا دۇنيەگە كەلگەن فرانتس 1964-1977 جىلدار ارالىعىندا ءوز ەلىنىڭ ۇلتتىق قۇراماسى مەن «باۆاريا» كلۋبىنىڭ نامىسىن قورعادى. امپلۋاسى – ليبەرو. بۇل رەتتە ونىڭ باعىندىرماعان بەلەسى جوق. تارقاتىپ ايتساق, الەم چەمپيوناتىنداعى مەدالداردىڭ بارلىق ءتۇرىن قورجىنعا سالدى: 1966 جىلى – كۇمىس, 1970 جىلى – قولا, 1974 جىلى – التىن. سول جارىستاردىڭ ۇشەۋىندە دە الەمنىڭ شارتتى قۇراماسىنىڭ تىزىمىنە ەندى. 1972 جىلى وتكەن ەۋروپا بىرىنشىلىگىندە باس جۇلدەنى ولجالاسا, 1976 جىلى ەكىنشى ورىندى يەلەندى. 1972 جانە 1976 جىلدارى قارت قۇرلىقتىڭ ەڭ ۇزدىك ويىنشىسىنا تيەسىلى «التىن دوپتى» ەنشىلەدى. ونىڭ تاعى دا باسقا تولىپ جاتقان اتاقتارى بار.
فرانتس بەككەنباۋەر ويىنشى عانا ەمەس, باپكەر رەتىندە دە ءوزىن تۇبەگەيلى مويىنداتتى.