قىلمىس سانى ازايىپ كەلەدى

وسى ماسەلەنى مەملەكەت باسشىسى قاسىم-جومارت توقاەۆ بيىلعى قازاق­ستان حالقىنا جولداۋىندا دا ايرىق­شا اتاپ ءوتتى. «بىزگە ازاماتتاردىڭ قۇ­قىعىن زاماناۋي تۇرعىدان قورعاۋدى قام­تاماسىز ەتەتىن جانە جوعارى حالىق­ارالىق تالاپتارعا جاۋاپ بەرەتىن ۇلگى كەرەك», دەدى پرەزيدەنت. ەندىگى ما­سە­لە مەم­لەكەت باسشىسى العا قويعان جۇ­مىستاردى جۇيەلى جۇزەگە اسىرۋ بولىپ وتىر.

– پرەزيدەنتىمىز قاسىم-جومارت توقاەۆ 1 قىركۇيەكتە قازاقستان حالقىنا جولداۋىن جاريالادى. جولداۋ وتە ما­ڭىز­دى. اسىرەسە حالىقتى الەۋمەتتىك قول­­داۋ جاعىنان. پرەزيدەنت كوتەرگەن تاعى ءبىر ماسەلە – ادام قۇقىعى. ونى قور­­عاۋ­دى ءارى قاراي كۇشەيتۋ. جالپى, تاۋەل­­سىز­دىك جىلدارى قوعامدىق ءتارتىپتى كۇشەي­تۋ, ادامنىڭ قۇقىعىن قورعاۋ جولىندا ساتىلى تۇردە جۇمىستار جاسالۋدا. اتقار­عان جۇمىستار تۋرالى وسى جەر­دە بىرنەشە رەت باياندادىق, – دەدى م.اح­مەت­جانوۆ.

ونىڭ ايتۋىنشا, پرەزيدەنتتىڭ بىل­تىرعى جولداۋىنا سايكەس, ادام ءومىرى مەن دەنساۋلىعىنا اسا قاۋىپتى قاساقانا قىلمىستار ءۇشىن جازا كۇشەيتىلدى. اتاپ ايتساق, ادام ءولتىرۋ, زورلاۋ, پەدوفيلدەر, ەكسترەميستەر, كانىگى ۇرىلار, براكونەر­لەر, ەسىرتكى تاراتۋ ءۇشىن جازا قاتاڭ­دادى. بۇل وزگەرىستەر جەلتوقسان ايىندا پارلامەنت قابىل­داعان زاڭدا ورىن تاپتى. زاڭداعى تۇزە­تۋ­لەر ناتيجە­سىندە ەل ىشىندە ءتارتىپ نىعايىپ, قىل­مىس سانى ازايا ءتۇستى. پرەزي­دەنتتىڭ بىل­تىر­عى جولداۋىندا قابىل­دانعان شارا­لار ناتيجەسىندە ەلىمىزدە تىركەلگەن قىل­مىستىق زاڭ بۇزۋشى­لىقتاردىڭ سانى كە­مىپتى. بيىل سەگىز ايدا وتكەن جىلدىڭ وسى مەرزىمىمەن سالىس­تىر­عاندا جاسالعان قىلمىستىق زاڭ بۇزۋ­شى­لىقتار سانى 35%-عا (بىلتىر – 174 مىڭ, بيىل – 113,6 مىڭ) ازايىپ وتىر.

ءباسپاسوز ءماسليحاتى بارىسىندا م.احمەتجانوۆ باق وكىلدەرىنە الداعى اتقارىلاتىن جۇمىس جوسپارلارىمەن ءبولىستى. بۇل جۇمىستاردا باستى نازار پرەزيدەنت اتاپ وتكەندەي, زاڭدىلىق پەن ادىلەتتىلىكتى ءسوزسىز قامتاماسىز ەتۋگە باعىتتالاتىن بولادى.