سەمەيدە اباي اتىنداعى جاڭا مەشىت وسى كۇزدىڭ سوڭىنا شەيىن پايدالانۋعا بەرىلمەك. بۇل تۋرالى قالا اكىمى Instagram پاراقشاسىنا جازدى, دەپ حابارلايدى Egemen.kz.
مەشىت قۇرىلىسى 2008 جىلى باستالعان بولاتىن.
دەگەنمەن ءارتۇرلى سەبەپتەرمەن بۇگىنگە دەيىن سوزىلىپ كەلدى. ساقالدى قۇرىلىسقا جەكە قارجىسىن سالىپ, تولىعىمەن اياقتاۋعا تاستەكەەۆتەر وتباسىنا تيەسىلى جەرگىلىكتى قۇرىلىس كومپانياسى نيەت ءبىلدىردى. عيماراتتىڭ قۇرىلىسىنا تۇركىستان وبلىسى دا كومەك قولىن سوزدى. قازىر ولار مەشىتتىڭ اينالاسىن اباتتاندىرۋمەن اينالىسىپ جاتىر.
جوبا بويىنشا مەشىتتە 3 مىڭ ادام ءبىر ۋاقىتتا ناماز وقي الادى. عيماراتتىڭ ىشىندە ءدىني جورالعىلاردى وتكىزۋگە ارنالعان كەڭ بولمەلەر مەن قاتىمحانا قاراستىرىلعان. مەشىتكە اپاراتىن جاياۋلارعا ارنالعان بىرنەشە كوپىر جانە 500 كولىك سياتىن اۆتوتۇراق سالىنادى.
"اينالما جول مەشىتتى اينالىپ وتەدى. كەلەشەكتە ونىڭ جانىنان مەدرەسە دە سالىنادى" دەيدى قۇرىلىس ۋچاسكەسىنىڭ باستىعى نۇرلان ءجۇنىسوۆ. قازىرگى تاڭدا جۇمىستىڭ 85 پايىزى اياقتالعان. جاڭا مەشىت قاراشا ايىندا پايدالانۋعا بەرىلەدى.