سقو پد ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى قىزىلجار اۋدانىنىڭ ەكى تۇرعىنىن ۇستادى. ولاردان تىركەلمەگەن ەكى اتىس قارۋى جانە ءبىر كيلوگرامعا جۋىق كەپتىرىلگەن قاراسورا تاركىلەندى, دەپ حابارلايدى Egemen.kz.
باسقارما قىزمەتكەرلەرىنە ورماندا جۇمىس ىستەپ جۇرگەن قىزىلجار اۋدانىنىڭ 26 جاستاعى تۇرعىنىندا تىركەلمەگەن اتىس قارۋى بولۋى مۇمكىن دەگەن اقپارات تۇسكەن. تەكسەرىس كەزىندە اتالعان اقپارات راستالدى, ودان تىركەلمەگەن ەكى تەگىس ۇڭعىلى شۇرىپپەلى مىلتىق تابىلادى. بۇدان باسقا سالماعى 0,7 كگ كەپتىرىلگەن قاراسورا پارتياسى تاركىلەندى. ءدال سول كۇنى نوۆونيكولسكوە اۋىلىندا اتالعان جۇمىسشىنىڭ 51 جاستاعى اكەسى تۇراتىن ءۇيدىڭ قويماسىندا پوليتسەيلەر "توز-8" ماركالى تىركەلمەگەن ويىقتى شولاق مىلتىقتى تاپتى. ۇستالعاندار بۇرىن سوتتالماعان, جاۋاپ الۋ كەزىندە ولار مىلتىقتى جۋىردا تاۋىپ العاندارىن جانە ونى قاجەت بولىپ قالار دەگەن ويمەن ساقتاعانىن ايتقان.
اتالعان فاكتى سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلدى. الىنعان زاتتار سوت-بالليستيكالىق جانە سوت-حيميالىق ساراپتاماسىنا جىبەرىلدى. ەندى ولاردىڭ باسقا قىلمىستارعا قاتىستىلىعى انىقتالادى. اكەلى-بالالى تۇرعىندارعا قاتىستى كەلۋگە مىندەتتەلۋ تۇرىندەگى بۇلتارپتاۋ شاراسى تاعايىندالدى. قاجەتتى تەرگەۋ جانە پروتسەسسۋالدىق ارەكەتتەر جۇرگىزىلۋدە.
سولتۇستىك قازاقستان وبلىسى,
قىزىلجار اۋدانى