قۇرىلىسى ەلىمىزدىڭ يندۋستريالاندىرۋ كارتاسىنا ەنگەن سەرپىندى جوبالاردىڭ ءبىرى – «وسكەمەن قۇس فابريكاسى» جاۋاپكەرشىلىگى شەكتەۋلى سەرىكتەستىگى جىلىنا 20 مىڭ توننا ءونىم وندىرەدى. وسكەمەندە شىعارىلاتىن قۇس ەتى, ودان جاسالاتىن تاۋىق شۇجىعى قازىر ەلىمىزدىڭ بارلىق قالالارىندا ساۋدالانادى. ءبىر استانانىڭ وزىندە 164 ساۋدا دۇكەندەرىندە قۇس فابريكاسىنىڭ ونىمدەرى ساتىلادى ەكەن.
قۇرىلىسى ەلىمىزدىڭ يندۋستريالاندىرۋ كارتاسىنا ەنگەن سەرپىندى جوبالاردىڭ ءبىرى – «وسكەمەن قۇس فابريكاسى» جاۋاپكەرشىلىگى شەكتەۋلى سەرىكتەستىگى جىلىنا 20 مىڭ توننا ءونىم وندىرەدى. وسكەمەندە شىعارىلاتىن قۇس ەتى, ودان جاسالاتىن تاۋىق شۇجىعى قازىر ەلىمىزدىڭ بارلىق قالالارىندا ساۋدالانادى. ءبىر استانانىڭ وزىندە 164 ساۋدا دۇكەندەرىندە قۇس فابريكاسىنىڭ ونىمدەرى ساتىلادى ەكەن.جاقىندا كاسىپورىن ومىرىندە تاعى ءبىر يگى ءىس جۇزەگە اسىپ, «ايتاس-مپ» شۇجىق فابريكاسىن پايدالانۋعا بەردى.
«وسكەمەن قۇس فابريكاسى» جاڭا كاسىپورنى قۇرىلىسىنا 1 ميلليارد 800 ميلليون تەڭگە قارجى جۇمسالدى. ونىڭ 40 پايىزىن كاسىپورىن ءوز قارجىسى, ال 60 پايىزىن نەسيە بەرۋشىلەر ەسەبىنەن جۇزەگە اسىردى. شىن مانىندە, ەلىمىزدە تەڭدەسى جوق, تاۋلىگىنە 30-40 توننا قۇس ەتىن وڭدەۋ ارقىلى شۇجىقتىڭ, قۇس ەتى دەليكاتەسىن شىعاراتىن فابريكا شۆەيتساريا, اۆستريا, گەرمانيا, پولشا, باسقا مەملەكەتتەردىڭ قوندىرعىلارىمەن جانە جابدىقتارىمەن مونتاجدالعان. قازىر كاسىپورىندا 200 ادام جۇمىس ىستەسە, تولىق قۋاتىنا ەنگەندە 400 ادام ەڭبەك ەتپەك.
جاڭا فابريكانىڭ سالتاناتتى اشىلۋىنا اۋىل شارۋاشىلىعى ءمينيسترى اسىلجان مامىتبەكوۆ, قارجى ءمينيسترى بولات جامىشەۆ, شىعىس قازاقستان وبلىسىنىڭ اكىمى بەردىبەك ساپارباەۆ, قازاقستان قۇس وندىرۋشىلەر وداعىنىڭ پرەزيدەنتى رۋسلان شاريپوۆ, الماتى, پاۆلودار, قاراعاندى وبلىستارى اكىمدەرىنىڭ ورىنباسارلارى, «وسكەمەن قۇس فابريكاسى» جشس-ءىنىڭ باس ديرەكتورى سەرىك تولىقباەۆ قاتىستى. جيىندى اشقان ءوڭىر باسشىسى بەردىبەك ساپارباەۆ ەلباسىنىڭ قازاقستان حالقىنا جولداۋىندا اتاپ كورسەتىلگەن مىندەتتەردى جۇزەگە اسىرۋدا جاڭا كاسىپورىننىڭ ەرەكشە ورىن الاتىنىن, ەت ونىمدەرىن رەسەي مەن بەلارۋسكە ەكسپورتقا شىعارۋ ارقىلى ەلىمىزدىڭ اتاعىن شىعارۋدىڭ مۇمكىندىگى تۋىپ وتىرعانىن ايتا كەلىپ, كاسىپورىن باسشىسى سەرىك قۇمالبەك ۇلىنا العىسىن ايتتى.
وسكەمەننىڭ ەلگە سىيلى قاريالارى لەنتانى قيعان سوڭ كەلگەن قوناقتار الىپ تسەحتىڭ ىشىنە ەندى. مىنە, ءبىر جەردە جۇمىسشىلار اق جەلەڭ جامىلىپ الىپ, قۇس ەتىن بولشەكتەپ جاتىر. سودان كەيىن ول توڭازىتقىشتا بىرنەشە ساعات سۋىتىلىپ, بابىنا جەتكەن سوڭ بىردەن ساۋدا ورىندارىنا جونەلتىلەدى. قۇس ەتىن سۋىتاتىن مۇز ارنايى قوراپتان شىعىپ جاتىر. «تاۋلىگىنە 9 توننا پىسىرىلگەن شۇجىق, 9 توننا قاقتالعان قۇس ەتى, باسقا دا دەليكاتەس, بارلىعى 40 توننا شۇجىق شىعادى», دەپ كاسىپورىن باسشىسى سەرىك تولىقباەۆ قىسقاشا تانىستىرىپ ءوتتى. مۇندا ەڭبەك ەتەتىن جۇمىسشىلارعا جۋىناتىن جەر, كيىم ىلەتىن, دەمالاتىن ورىن بولىنگەن, تەگىن تاماق, ارنايى كيىم بەرىلەدى.
«وسكەمەن قۇس فابريكاسى» ۇجىمى الداعى ۋاقىتتا دا ىزدەنىس پەن ىلكىمدىلىك تانىتا بەرمەك.
وڭداسىن ەلۋباي,
«ەگەمەن قازاقستان».
وسكەمەن.