ۆەلوشوسسەدەن الەم چەمپيوناتى ۇستىمىزدەگى جىلدىڭ 24-27 قىركۇيەك ارالىعىندا يتاليادا وتەتىن بولدى, دەپ حابارلايدى Egemen.kz.
نەگىزى ايتۋلى دودانى شۆەيتساريانىڭ بەرن مەن تسيۋريح قالالارى قابىلداۋعا ءتيىس ەدى. الايدا جەر جاھاندى جايلاعان كوروناۆيرۋس دەرەتىنىڭ ورشۋىنە بايلانىستى ايتۋلى ەلدىڭ وكىلدەرى باستاپقى رايلارىنان قايتتى. سودان الەم چەمپيوناتىن ۇيىمداستىرۋعا بىرىككەن ارابتار امىرلىگى, ومان جانە كاتار سىندى مەملەكەتتەر نيەت ءبىلدىردى. بىراق تاڭداۋ يتالياعا ءتۇستى.
بيىلعى جارىس قىسقارتىلعان باعدارلاما بويىنشا وتەدى. ياعني, بۇل باسەكەدە تەك ەليتالىق توپقا جاتاتىن ۆەلوشاباندوزدار عانا باق سىنايدى. جارىستىڭ العاشقى ەكى كۇنىندە جەكەلەگەن سايىستا ەرلەر مەن ايەلدەر اراسىندا جۇلدەلەر ساراپقا سالىنسا, سوڭعى ەكى تاۋلىكتە توپتىق سايىستار وتەدى.