تەننيستەن نيۋ-يوركتە ءوتىپ جاتقان جۇلدە قورى 53 400 000 دوللاردى قۇرايتىن اقش-تىڭ اشىق بىرىنشىلىگىنىڭ ءۇشىنشى اينالىمى ءوز مارەسىنە جەتتى, دەپ حابارلايدى Egemen.kz
قازاقستاننىڭ تەننيسشىلەرى اراسىندا العاشقى بولىپ بۇل مەجەگە الەمنىڭ 33 راكەتكاسى يۋليا پۋتينتسەۆا جەتتى. ول WTA رەيتينگىندە 351 ورىنعا جايعاسقان بەلارۋسسيالىق ۆەرا لاپكونى ەش قينالماي ۇتتى – 6:3, 6:3. ەندى يۋليا سول ەلدىڭ تاعى ءبىر وكىلى الەكساندرا سوسنوۆيچپەن (119 راكەتكا) سايىسقا تۇسەدى. كوپ كەشىكپەي ميحايل كۋكۋشكين (42 راكەتكا) كورتقا شىقتى. ءچيليدىڭ وكىلى كريستيان گارينمەن (73 راكەتكا) بولعان باسەكەنىڭ العاشقى ەكى كەزەڭى وتانداسىمىزدىڭ پايداسىنا شەشىلگەنىمەن, قارسىلاسى تارازى باسىن تەڭەستىردى. وتە شيەلەنىستى وتكەن سوڭعى سەتتە بارىن سالعان ميحايل جەڭىستى قارسىلاسىنىڭ ۋىسىنان ج ۇلىپ اكەتتى – 6:2, 6:1, 3:6, 4:6, 7:5. كۋكۋشكين ءۇشىنشى ءۇشىنشى كەزەڭدە اۋستراليالىق دجوران تومپسونمەن (63 راكەتكا) كۇش سىناسادى.
ال ەلەنا رىباكينا (17 راكەتكا) ۇزدىكتەر تىزىمىندە وزىنەن الدەقايدا تومەن تۇرعان امەريكالىق تەننيسشى شەلبي رودجەرسكە (113 راكەتكا) ويدا-جوقتا ەسە جىبەردى.