قازاقستان قارۋلى كۇشتەرىندە اۆياتسيا باعىتتاۋشىلارىنىڭ جيىنى ءوتتى. ول الماتى وبلىسىنداعى «قازاقستان» پوليگونىندا ۇيىمداستىرىلدى. جيىنعا قازاقستان قارۋلى كۇشتەرى «وڭتۇستىك» وڭىرلىك قولباسشىلىعىنىڭ, اەروۇتقىر اسكەرلەرىنىڭ اسكەري قىزمەتشىلەرى تارتىلدى.
قازاقستان قارۋلى كۇشتەرىندە اۆياتسيا باعىتتاۋشىلارىنىڭ جيىنى ءوتتى. ول الماتى وبلىسىنداعى «قازاقستان» پوليگونىندا ۇيىمداستىرىلدى. جيىنعا قازاقستان قارۋلى كۇشتەرى «وڭتۇستىك» وڭىرلىك قولباسشىلىعىنىڭ, اەروۇتقىر اسكەرلەرىنىڭ اسكەري قىزمەتشىلەرى تارتىلدى.
جاتتىعۋ جيىنىنا قاتىسۋشىلار ءبىر اي بويى جاۋىنگەرلىك مىندەتتەردى ورىنداۋ كەزىندەگى اۆياتسيالىق تەحنيكانى باسقارۋدىڭ تەوريالىق جانە پراكتيكالىق ماسەلەلەرىن پىسىقتادى. قازىرگى ۋاقىتتا قازاقستان ارمياسى ۇرىس جۇرگىزۋدى ۇيىمداستىرۋدىڭ الدىڭعى قاتارلى تەحنولوگيالارى مەن ادىستەرىن, سونداي-اق جەرۇستى نىسانالارىنا جاۋىنگەرلىك اۆياتسيانى باعىتتاۋدى قولدانىپ كەلەدى. قازىرگى زامانعى ۇرىستا اۆياتسيا باعىتتاۋشىلارىنىڭ ءرولى نىساناعا دەيىنگى قاشىقتىقتى جانە اۆيازيالىق زاقىمداۋ قۇرالدارىن قولدانۋ تاسىلدەرىن تۇزەتۋگە كەلىپ تىرەلەدى. جەرۇستى اسكەرلەرىنىڭ قۇرامىنداعى اۆياتسيا باعىتتاۋشىلارى كوورديناتالاردى كورسەتىپ, جەرگىلىكتى جەرلەردەن باعدار بەرەدى. اۆياباعىتتاۋشىلاردىڭ نۇسقاۋى بويىنشا جاۋىنگەرلىك ۇشاقتار مەن تىكۇشاقتار اۆياتسيالىق زاقىمداۋ قۇرالدارىن قولدانادى.
قازاقستان قارۋلى كۇشتەرىنىڭ اۆياتسيا باعىتتاۋشىلارى دەرەكتەردى الۋ مەن تالداۋعا ماشىقتانۋ دەڭگەيىن جەتىلدىرىپ, جۇمىس كارتاسىندا كوورديناتالاردى انىقتاۋ, جەرگىلىكتى جەردى باعدارلاۋ جانە زاقىمداۋ قۇرالدارىنىڭ تۇرلەرىن تاڭداۋ تاسىلدەرىن زەردەلەيدى. ولار, سونىمەن قاتار, اۋە جانە جەرۇستى وپەراتسيالارىن وتكىزۋ كەزىندە دەرەكتەردى دالمە-ءدال جەتكىزۋ شەبەرلىگىن شىڭداۋى ءتيىس.
كۋرستىق دايارلىقتىڭ سوڭىندا جاتتىعۋ جيىنىنا قاتىسۋشىلارعا «الدىڭعى شەپتەگى اۆياتسيا باعىتتاۋشىسى» ماماندىعى بويىنشا تولىق دايارلىق كۋرسىنان وتكەندەرى تۋرالى كۋالىك تابىس ەتىلدى.
«ەگەمەن-اقپارات».