بياعامىز: «داۋدىڭ باسى – دايرابايدىڭ كوك سيىرى», دەگەلى كوپ وتسە دە, ەل ىشىندە داۋ-دامايدىڭ ازايار ءتۇرى جوق. «قايدان كەلەسىڭ, سوتتان كەلەمىن, سوت ەمەس-اۋ, وتتان كەلەمنىڭ» مىسالى دا ءورشىپ تۇر. و زامان دا, بۇ زامان, اقىن اباي اتىنداعى اۋىلداعى داۋدىڭ باسى – ولەڭ بولادى دەپ كىم ويلاعان؟!. «ەستىمەگەن ەلدە كوپ» دەيمىز بە, الدە «قازاقتا تالاي قىزىق بار» دەيمىز بە؟ ايتەۋىر, ءا دەگەندە ەزۋ تارتقىزار وسى ءجايتتىڭ ار جاعىنان ەلدىڭ رۋحاني تۇرعىدان ازىپ-توزباۋى جونىندەگى وزەكتى ماسەلەنى وزەك قىلىپ, ويعا شومساڭىز, كۇلۋدىڭ ورنىنا كۇرسىنىپ تە قالارسىز.
جاقسىلىق قاريا وسىدان ءبىراز ۋاقىت بۇرىن «الاياق قۋلار اۋىلدا بار...»
بياعامىز: «داۋدىڭ باسى – دايرابايدىڭ كوك سيىرى», دەگەلى كوپ وتسە دە, ەل ىشىندە داۋ-دامايدىڭ ازايار ءتۇرى جوق. «قايدان كەلەسىڭ, سوتتان كەلەمىن, سوت ەمەس-اۋ, وتتان كەلەمنىڭ» مىسالى دا ءورشىپ تۇر. و زامان دا, بۇ زامان, اقىن اباي اتىنداعى اۋىلداعى داۋدىڭ باسى – ولەڭ بولادى دەپ كىم ويلاعان؟!. «ەستىمەگەن ەلدە كوپ» دەيمىز بە, الدە «قازاقتا تالاي قىزىق بار» دەيمىز بە؟ ايتەۋىر, ءا دەگەندە ەزۋ تارتقىزار وسى ءجايتتىڭ ار جاعىنان ەلدىڭ رۋحاني تۇرعىدان ازىپ-توزباۋى جونىندەگى وزەكتى ماسەلەنى وزەك قىلىپ, ويعا شومساڭىز, كۇلۋدىڭ ورنىنا كۇرسىنىپ تە قالارسىز.
جاقسىلىق قاريا وسىدان ءبىراز ۋاقىت بۇرىن «الاياق قۋلار اۋىلدا بار...» دەگەن ولەڭ جازادى. تەرمە ۇلگىسىندەگى تۋىندىسىندا ول اۋىلىنداعى دۇمشە مولدالاردىڭ استامشىلىقتارىن «قامشىعا» الادى. ءسويتىپ, كىسىسى قازا بولعان ءۇي يەلەرىنەن جانازا مەن قۇران وقىعاندارى ءۇشىن اقشا الۋدى «بيزنەسكە» اينالدىرعان مولدالاردى اقىلعا شاقىرماق بولىپتى. بىراق ولەڭنەن وزدەرىنىڭ بەت-بەينەسىن تانىعاندار «ار-نامىسىمىز بەن قادiر-قاسيەتiمiزگە نۇقسان كەلتiرiپ, بەدەلiمiزدi تۇسiرەتiن مازاق ولەڭiنەن بiزدiڭ ارقايسىمىزعا كەلگەن مورالدىق زالال كولەمiن 1 000 000 (بiر ميلليون) تەڭگەگە باعالايمىز» دەپ, جاقسىلىق اقىندى سوتقا بەرگەن. «ىزدەگەنگە – سۇراعان» دەگەندەي, سۋديا زاپپاروۆا ارىز يەلەرىنىڭ حاتىنداعى 1 ميلليون تەڭگە تۋرالى تالاپتى قاناعاتتاندىرماسا دا, اقيقاتتى ايتقان اقىنجاندى قاريادان ارىزدانۋشىنىڭ ارقايسىسىنىڭ پايداسىنا 30 مىڭ تەڭگە تولەۋى كەرەك ەكەنى جونىندە ۇكىم شىعارعان.
ال اۋداننىڭ باس يمامى ايات الماحانوۆ بولسا اقىن جاعىندا. ول: «اباي اۋىلىنداعى امانتاي تiلەپبەرگەنوۆ دەگەن كiسi وزىنشە توپ قۇرىپ, وزدەرىن وزدەرى مولدا سايلاپ, كiسiسi باقيلىق بولعان ۇيدەگى جانازادا ادەپسiزدiك جاساپتى. وسى توپتى تارتiپكە شاقىرۋدى اۋىل تۇرعىندارى وتiنگەن سوڭ, اتالعان اۋىلداعى مەشiتتە جينالىس وتكiزدiم. جينالعان جۇرتقا مەشiتكە مولدانى تاعايىنداۋ قازاقستان مۇسىلماندارى دiني باسقارماسىنىڭ قۇزىرىندا ەكەنiن, دiني بiلiمi جوق كiم كورiنگەن مولدا بولا المايتىنىن ايتىپ ءتۇسiندiردiم. وكiنiشكە قاراي, تiلەپبەرگەنوۆ امانتايدىڭ توبى بۇل جينالىسقا كەلمەدi», دەيدى.
– ماقۇل عوي, ءوزىن-ءوزى يماممىن دەپ «جاريالاعاننان» كەيىن اسىل دiنiمiزدەگi كەشiرiمشىلدiكتى, اۋىزبiرشىلiكتى, ادامگەرشىلىكتى ۋاعىزداۋى كەرەك ەمەس پە؟ كەبiسiن لاقتىرىپ, بالا-شاعانىڭ كو-زiنشە بەيادەپ سوزدەردى بۇرقىراتاتىن مۇنداي «يمامدار» يماندىلىق جايلى قالاي ناسيحات ايتادى؟ مەن ءوزiمدi اقىنمىن دەپ ەسەپتەمەيمiن. الگi سىقاقتى جازۋىما اۋىل تۇرعىندارىنىڭ سۇرانىسى تۇرتكi بولدى. سوندا اتى-ءجونىن كورسەتپەي ولەڭ جازىپ, سىن ايتقان ادامداردىڭ بارiنە سوت ايىپپۇل تولەتiپ, اياققا جىعىپ بەرiپ جاتسا, قوعامداعى كەسىرلەر مەن كەساپاتتار قالاي تۇزەلەدi? «باس كەسپەك بولسا دا, تiل كەسپەك جوق», دەگەن بابالار وسيەتi ادىرا قالعانى ما؟ بارiنەن دە اۋىل اقساقالدارى جاستارعا يماندىلىق ۇيرەتسiن دەپ اۋىلىمىزعا مەشىت سالىپ بەرگەن ادامداردان ۇيات بولدى. وزدەرىنشە توپ قۇرىپ, ورتاسىنان يمام سايلاپ العانداردىڭ سەركەسi ويىنا كەلگەنiن قاشانعى iستەيدi? – دەپ سوتتالعان «اقىن» جانە وتىر.
كوسەمالى ساتتىباي ۇلى,
«ەگەمەن قازاقستان».
جامبىل وبلىسى,
شۋ اۋدانى,
اباي اۋىلى..