بۇل عيمارات جۇمىسى توعىز جىل بويى دىڭكەلەتىپ كەلەدى. ءالى دە جالعاساتىن ءتۇرى بار
پەتروپال قالاسىنىڭ ءوڭىن كەتىرىپ, سۇرىن قاشىرىپ تۇرعان «ساقالدى» قۇرىلىستار از ەمەس. سولاردىڭ ءبىرى «دوستىق» الاڭىندا ورنالاسقان. بۇگىندە 3500 شارشى مەتر اۋماقتى الىپ جاتقان قۇرىلىس الاڭى ءولى تىنىشتىققا ۇقسايدى. باس مەردىگەر «باتىس رەال گرۋپ» جشس ساۋدا زالى, كينوتەاتر, نەكە زالى بار ساۋدا-ويىن-ساۋىق كەشەنىنىڭ قۇرىلىسىن 2004 جىلى باستاپ, 3 جىلدان كەيىن ءىزىم-قايىم جوعالعان. سودان بەرى جەرگىلىكتى بيلىك ورىندارى قانشا ىزدەستىرسە دە, تاپتىرماي كەلەدى.
بۇل عيمارات جۇمىسى توعىز جىل بويى دىڭكەلەتىپ كەلەدى. ءالى دە جالعاساتىن ءتۇرى بارپەتروپال قالاسىنىڭ ءوڭىن كەتىرىپ, سۇرىن قاشىرىپ تۇرعان «ساقالدى» قۇرىلىستار از ەمەس. سولاردىڭ ءبىرى «دوستىق» الاڭىندا ورنالاسقان. بۇگىندە 3500 شارشى مەتر اۋماقتى الىپ جاتقان قۇرىلىس الاڭى ءولى تىنىشتىققا ۇقسايدى. باس مەردىگەر «باتىس رەال گرۋپ» جشس ساۋدا زالى, كينوتەاتر, نەكە زالى بار ساۋدا-ويىن-ساۋىق كەشەنىنىڭ قۇرىلىسىن 2004 جىلى باستاپ, 3 جىلدان كەيىن ءىزىم-قايىم جوعالعان. سودان بەرى جەرگىلىكتى بيلىك ورىندارى قانشا ىزدەستىرسە دە, تاپتىرماي كەلەدى.جەتى قات اسپانعا ۇشىپ كەتتى مە, الدە جەردىڭ جارىعىنا كىرىپ كەتتى مە, بەلگىسىز. تەك بيىل عانا «ءبىز بارمىز, ەسەن-ساۋمىز» دەگەندەي ءتىرى جاننىڭ مەزىرەتىن جاساپتى. الپاۋىت فيرمانىڭ الدىندا جەرگىلىكتى ساۋلەت جانە قۇرىلىس باسقارمالارىنىڭ باسشىلارى دارمەنسىز. تىستەرى باتار ەمەس. جارىم-جارتىلاي عانا بوي كوتەرگەن قۇرىلىس كەشەنى ءزىل قارا تاستاي مەلشيگەن كۇيىندە تۇر. سول سياقتى پوگودين اتىنداعى ورىس دراما تەاترى جانىندا سالىنۋعا ءتيىستى 64 پاتەرلى كوپ قاباتتى تۇرعىن ءۇيدىڭ ىرگەتاسى عانا ءورىلىپ, قالقايىپ تۇرعانىنا تالاي جىل. ونىڭ قۇرىلىس جۇمىستارىنا جاۋاپتى «الماتى حايت حاۋس» كومپانياسى دا ءىز سۋىتقان.
جەر تەلىمدەرىن سوت ارقىلى قايتارىپ الۋعا ءتيىستى ورىندار ق ۇلىقسىز. تەمىرجول ماڭايىنداعى يەسىز قالعان جەر تەلىمدەرىن كوممۋنالدىق مەنشىككە قايتارۋ ءۇشىن باقانداي 3 جىل جۇرگەن. قاعازباستىلىقتان, سوت پروتسەستەرىنەن ابدەن زارەزاپ بولعاندارى بايقالادى. پەتروپاۆل قالاسىنىڭ بۇرىنعى اكىمى ۆلاديمير نيكاندروۆ شۇلەن تاراتقانداي وڭدى-سولدى زاڭسىز ۇلەستىرگەن جەر تەلىمدەرىن كوممۋنالدىق مەنشىككە ءراسىمدەۋ ماشاقاتىن كەيىنگىلەردىڭ كورىپ وتىرعان جايلارى بار. جەر ينسپەكتسياسى 40-قا جۋىق شەشىمنىڭ زاڭعا قيعاش, باس جوسپارعا سايكەسسىز, ءتيىستى ورىندارمەن كەلىسپەۋشىلىك سەكىلدى تالاي بۇرا تارتۋشىلىقتاردى انىقتاعان. دەمەك, «ساقالدى» قۇرىلىستاردىڭ جىرى ءالى تاۋسىلمايدى دەگەن ءسوز.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
سۋرەتتى تۇسىرگەن تالعات تانىباەۆ.