الماتى قالالىق ىشكى ىستەر دەپارتامەنتىنىڭ باستىعى الماستى. بۇعان دەيىن دەپارتامەنتتى باسقارىپ كەلگەن قايرات تىنىبەكوۆ كەتىپ, ورنىنا سەرىك كۇدەباەۆ تاعايىندالدى. بۇل تۋرالى BNews.kz ءتىلشىسى سەرگەي كۋيانوۆ حابارلادى.
«مەن الماتى قالالىق ىشكى ىستەر دەپارتامەنتى باستىعىنىڭ الماسقانىن الدىن الا راستايمىن. ال بۇگىن كەشكە جاڭا كەلەتىن ادامدى اكەلىپ وتىرعىزادى دەپ كۇتىلۋدە. تەك تىنىبەكوۆتىڭ ورنىنا كەلەتىن ادامنىڭ ءوز ءىسىن, قالانى جانە ءوز جۇمىسىنىڭ ۇڭعىل-شۇڭعىلىن بىلەتىن ادام ەكەنىن ايتا الامىن», - دەپتى س.كۋيانوۆ. بىراق باسشىنىڭ كىم ەكەنىن اشىپ ايتپاپتى.
الايدا, ارادا كوپ وتپەي-اق وڭتۇستىك استانانىڭ پوليتسيا ۇجىمىن باسقاراتىن كادردىڭ اتى-ءجونى بۇقارالىق اقپارات قۇرالدارىنا تاراپ كەتتى. ول بۇعان دەيىن الماتى وبلىسىنىڭ ىشكى ىستەر دەپارتامەنتىن باسقارعان سەرىك كۇدەباەۆ بولىپ شىقتى. ال سوعان دەيىن الماتى قالالىق ىشكى ىستەر دەپارتامەنتى باستىعىنىڭ جەدەل جۇمىستار جونىندەگى ورىنباسارى بولىپ ىستەگەن ەكەن. جۇمىسىن جامبىل اۋدانى ىشكى ىستەر بولىمىندە جەدەل ۋاكىل بولىپ باستاعان.
قۇرىش نۇرىمبەت.