سقو-دا سوت شەشىمىمەن جىل باسىنان بەرى 29 ادام كولىك جۇرگىزۋ قۇقىعىنان ايرىلعان. بۇلار جول ءتارتىبىن ساقتاۋ مەن كولىككە ماس كۇيىندە بىرنەشە رەت وتىرعاندار. الايدا وندايلاردىڭ ءبىرازى جۇرگىزۋ قۇقىعىنان ايىرىلا تۇرا, بۋىنىنا تاراعان الكوگولدىڭ اسەرىنەن قايتادان رولگە وتىراتىنى پوليتسەيلەردى الاڭداتىپ وتىر, - دەپ حابارلايدى Egemen.kz.
سقو پد باستىعىنىڭ ورىنباسارى, پوليتسيا پولكوۆنيگى ەڭبەك سەمبيننىڭ ايتۋىنا قاراعاندا مۇنداي فاكتىلەر زاڭدى جانە قورشاعان ورتاداعى ادامدار ءومىرىن ەلەمەيتىندىكتى كورسەتەدى. «ىشىمدىكتى ءتاۋىر كورەتىندەر جولعا شىققان سايىن ادامداردىڭ ءومىرى مەن دەنساۋلىقتارىنا قاۋىپ توندىرەدى. بيىلعى 11 قاڭتاردان قىلمىستىڭ اتالعان ءتۇرى ءۇشىن جاۋاپكەرشىلىكتىڭ قاتاڭداتىلعانىن اۆتوجۇرگىزۋشىلەرگە تاعى ءبىر رەت ەسكەرتكەندى ءجون دەپ ەسەپتەيمىن. ەندى, نەگىزگى جازادان بولەك, قىلمىسكەرلەر اۆتوكولىك باسقارۋ قۇقىعىنان ءومىر بويىنا ايىرىلادى» , - دەيدى ول.
سوت شەشىمىمەن كولىك جۇرگىزۋ قۇقىنان مۇلدە ايرىلعانداردىڭ كەيبىرى قاشان قايتا ۇستالعانشا رولگە وتىرا بەرەدى. ماسەلەن, اقپان ايىندا قىزىلجار اۋدانىنىڭ 29 جاستاعى تۇرعىنى «چەليابى-ءنوۆوسىبىر» تاس جولىندا ءوزىنىڭ «Audi-80» كولىگىمەن شىعىپ كەتىپ, «Lada 217030» اۆتوماشيناسىن باسىپ وزامىن دەگەندە جكو جاساپ, تەكسەرىلگەندە ونىڭ جۇرگىزۋشىلىك قۇقى جوق ەكەندىگى انىقتالىپ, سوت شەشىمىمەن ەكى جىلعا باس بوستاندىعىنان ايرىلدى. شىلدە ايىندا ونىڭ 37 جاسار جەرلەسىنە دە قاتىستى سوت ءوتتى, ول قوناققا كەلگەن تانىسىمەن ىشىمدىككە تويىپ الىپ, تانىسىنىڭ «ۆاز 21144» اۆتوكولىگىمەن ءجۇرىپ, ونى اۋدارعان.
سقو-دا جالپى, جىل باسىنان بەرى وسىنداي 51 فاكتى انىقتالدى.