ءدىن ىستەرى اگەنتتىگى توراعاسىنىڭ مىندەتىن اتقارۋشى مارات ءازىلحانوۆتىڭ قاتىسۋىمەن م. قوزىباەۆ اتىنداعى سقمۋ-دە «ءدىن جانە پاتريوتيزم» دەگەن تاقىرىپتا رەسپۋبليكالىق عىلىمي-پراكتيكالىق كونفەرەنتسيا ءوتتى. ونىڭ جۇمىسىنا استانا قالاسى, اقمولا, قاراعاندى, پاۆلودار, قوستاناي, سولتۇستىك قازاقستان وبلىستارىنىڭ ءدىن ىستەرى جونىندەگى دەپارتامەنتتەردىڭ, ىشكى ساياسات باسقارمالارىنىڭ, قوعامدىق جانە جاستار-ستۋدەنتتەر ۇيىمدارىنىڭ, اسكەري قۇرىلىمداردىڭ وكىلدەرى قاتىسىپ, وزەكتى ماسەلەلەردى تالقىلادى.
جيىندى وبلىس اكىمىنىڭ ورىنباسارى فارحاد قۋانعانوۆ اشىپ, ايماق باسشىسى سامات ەسكەندىروۆتىڭ قۇتتىقتاۋ لەبىزىن جەتكىزدى.
ءدىن ىستەرى اگەنتتىگى توراعاسىنىڭ مىندەتىن اتقارۋشى مارات ءازىلحانوۆتىڭ قاتىسۋىمەن م. قوزىباەۆ اتىنداعى سقمۋ-دە «ءدىن جانە پاتريوتيزم» دەگەن تاقىرىپتا رەسپۋبليكالىق عىلىمي-پراكتيكالىق كونفەرەنتسيا ءوتتى. ونىڭ جۇمىسىنا استانا قالاسى, اقمولا, قاراعاندى, پاۆلودار, قوستاناي, سولتۇستىك قازاقستان وبلىستارىنىڭ ءدىن ىستەرى جونىندەگى دەپارتامەنتتەردىڭ, ىشكى ساياسات باسقارمالارىنىڭ, قوعامدىق جانە جاستار-ستۋدەنتتەر ۇيىمدارىنىڭ, اسكەري قۇرىلىمداردىڭ وكىلدەرى قاتىسىپ, وزەكتى ماسەلەلەردى تالقىلادى.جيىندى وبلىس اكىمىنىڭ ورىنباسارى فارحاد قۋانعانوۆ اشىپ, ايماق باسشىسى سامات ەسكەندىروۆتىڭ قۇتتىقتاۋ لەبىزىن جەتكىزدى. ودان كەيىن شاراعا قاتىسۋشىلاردى وڭىردەگى ءدىني احۋالدىڭ جاي-جاپسارىمەن تانىستىردى. بۇگىندە ايماقتا 160 ءدىني نىسان, 132 ءدىني بىرلەستىك رەسمي تىركەلىمگە الىنعان. ادامداردىڭ ءدىني سەزىمىن قۇرمەتتەۋ, جاستاردى يماني قاسيەتتەرگە باۋلۋ, جات اعىمداردان ساقتاندىرۋ, كونفەسسياارالىق بىرلىك پەن تۇسىنىستىكتى نىعايتۋ باعىتىندا جۇيەلى ىستەر اتقارىلىپ كەلەدى.
م.ءازىلحانوۆ «ءدىن جانە پاتريوتيزم» دەگەن تاقىرىپتا بايانداما جاساپ, ءوز ءسوزىن «قازاقستان-2050» ستراتەگياسىندا بەلگىلەنگەن جاڭا قازاقستاندىق پاتريوتيزم, ءداستۇر مەن مادەنيەت, ۇلتتىق سالت-عۇرىپتار, كوپۇلتتى قوعامىمىزداعى ءدىني كوزقاراس, ءداستۇرلى ەمەس ءدىني جانە جالعان اعىمدار توڭىرەگىندە ءوربىتتى. ەلباسى ءوز سوزدەرىندە بابالارىمىزدىڭ ۇستانعان ادامگەرشىلىك, يماني قاسيەتتەرىن ۇلگى ەتىپ, جاستار قاۋىمىن قوعامىمىزبەن ەش سىيىسپايتىن تەرىس ارەكەتتەردەن اركەز ساقتاندىرىپ كەلەدى. بۇگىنگىدەي اقپاراتتىڭ تاسقىنداعان زامانىندا وسكەلەڭ ۇرپاقتى تۋرا جولدان اداستىرۋدى كوزدەيتىن, تەرىس ارەكەتتەرگە جەتەلەيتىن ىشكى, سىرتقى جات ەلەمەنتتەرمەن كۇرەسۋ وڭاي شارۋا ەمەس. سوندىقتان ەلدىڭ داستۇرلەرى مەن مادەني نورمالارىنا ساي كەلەتىن ءدىني ساۋاتتىلىق پەن ازاماتتىق سانانى قالىپتاستىرا وتىرىپ كەز كەلگەن راديكاليزممەن, ەكسترەميزممەن باتىل كۇرەس جۇرگىزۋ, وعان قارسى تىعىز توپتاسقاندىعىمىزدى قويا ءبىلۋىمىز كەرەك. ءبىزدىڭ الدىمىزدا جاس بۋىندى جاڭا قازاقستاندىق پاتريوتيزمگە باۋلۋ مىندەتتەرى تۇر. بۇل ۇعىمنىڭ اياسى كەڭ. وسى ورايدا, وتاندى, ەلدى, تۋعان جەردى ءسۇيۋدىڭ, قادىرلەپ-قاستەرلەۋدىڭ ماڭىزى ايتپاسا دا تۇسىنىكتى.
ءبىلىم جانە عىلىم ءمينيسترلىگىنىڭ باسقارما باسشىسى ماقسات ءماجيتوۆ, رەسپۋبليكا قارۋلى كۇشتەرى قۇرلىق اسكەرلەرى يدەولوگيالىق جۇمىس ورتالىعىنىڭ جەتەكشىسى ەۆگەني فرولوۆ, «قىزىلجار» ورتالىق مەشىتىنىڭ نايب-يمامى رۋسلان قايىرگەلدى, پەتروپاۆل جانە بۋلاەۆ ەپيسكوپى گۋري ءوز سوزدەرىن سالاماتتى ءومىر سالتى, ازاماتتىق ۇستانىم, ادامگەرشىلىك اسىل قۇندىلىقتار, سوقىر سەنىمنەن قورعانۋ سەكىلدى وزەكتى ماسەلەلەرمەن ساباقتاستىردى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.