25 قازاندا اتىراۋ قالاسىندا ءجۇرۋ جيىلىگى ءبىر كۇنگە قىسقارعان «استانا-اتىراۋ» جاڭا پويىزىنىڭ ەكىنشى قۇرامىن سالتاناتتى تۇردە قارسى الدى.
استانا ۆوكزالىنىڭ پەررونىنان 24 قازاندا «استانا – اتىراۋ» قاتىناسىمەن جۇرەتىن جاڭا جۇيرىك پويىز جولعا شىقتى. كەلەسى كۇنى ول مۇنايشىلار استاناسىنا كەلىپ جەتتى. جالپى, جولدا ءجۇرۋ ۋاقىتى استانادان اتىراۋعا دەيىن 22 ساعات 57 مينۋتتى جانە قايتاردا 22 ساعات 15 مينۋتتى قۇرايدى. پويىز 27 ۆاگوننان تۇرادى, ونىڭ ىشىندەگى 22 ۆاگونى جولاۋشىلاردى تاسىمالداۋعا ارنالعان.
25 قازاندا اتىراۋ قالاسىندا ءجۇرۋ جيىلىگى ءبىر كۇنگە قىسقارعان «استانا-اتىراۋ» جاڭا پويىزىنىڭ ەكىنشى قۇرامىن سالتاناتتى تۇردە قارسى الدى.
استانا ۆوكزالىنىڭ پەررونىنان 24 قازاندا «استانا – اتىراۋ» قاتىناسىمەن جۇرەتىن جاڭا جۇيرىك پويىز جولعا شىقتى. كەلەسى كۇنى ول مۇنايشىلار استاناسىنا كەلىپ جەتتى. جالپى, جولدا ءجۇرۋ ۋاقىتى استانادان اتىراۋعا دەيىن 22 ساعات 57 مينۋتتى جانە قايتاردا 22 ساعات 15 مينۋتتى قۇرايدى. پويىز 27 ۆاگوننان تۇرادى, ونىڭ ىشىندەگى 22 ۆاگونى جولاۋشىلاردى تاسىمالداۋعا ارنالعان.
«ەكسپرەسس» فيليالىنىڭ ديرەكتورى شاميل قوجابەكوۆ ايتقانداي, «تۇلپار-تالگو» ۆاگوندارى جوعارى جايلىلىعىمەن ەرەكشەلەنەدى, قازاقستاننىڭ اۋا رايىنا بەيىمدەلىپ ازىرلەنگەن ارنايى جاڭا تەحنولوگيالاردى قولدانا وتىرىپ جەڭىل كونسترۋكتسيادان جاسالعان. ولاردا ورتالىقتاندىرىلعان ەنەرگيامەن قامتاماسىز ەتۋ, اۋانى قالىپقا كەلتىرۋ جۇيەلەرى, قاۋىپسىزدىكتى باقىلاۋدىڭ ەلەكتر جۇيەسى بار. سونىمەن قاتار, ولار بيواجەتحانالاردى ۆاكۋمدىق تازارتۋ جۇيەسىمەن دە جابدىقتالعان.
– جايلىلىعى مەن جاقسى قىزمەت كورسەتۋدى ەرەكشە اتاپ وتكىم كەلەدى, – دەيدى اتىراۋ قالاسىنىڭ تۇرعىنى, جولاۋشى بىبىگۇل تاپالوۆا. – مەن پلاتسكارت ۆاگونىمەن كەلدىم, ماعان وتە ۇنادى. بارلىق تۇرمىستىق جاعدايلار كوزدەلگەن. كىلەم توسەلگەن, جىلى, جايلى. تاعى ءبىر ارتىقشىلىعى – جىلدامدىعىندا. ەندى استاناعا بارىپ قايتۋعا مەن از ۋاقىت جۇمسايمىن, جانە دە ەڭ باستىسى, جايلى جول جۇرەمىن. ال وسى جولعى ساپارىم تەك قانا جاقسى اسەر قالدىردى. وتانىمىزدا پويىزدار جاسالىپ, شىعارىلاتىنى قانداي جاقسى بولدى. تەمىر جول باسشىلارىنىڭ ادامدار ءۇشىن جاعداي جاساپ وتىرعانى سەزىلىپ وتىر.
ۆاگوندار «جولاۋشىلار تاسىمالى» اق جىلجىمالى قۇرامىن جاڭارتۋ جانە تەحنيكالىق رەسۋرسىن ارتتىرۋ باعدارلاماسىن ىسكە اسىرۋ اياسىندا ساتىپ الىندى. وسى اتالعان باعدارلاماعا سايكەس استانا قالاسىنداعى «تۇلپار-تالگو» زاۋىتىندا 2014 جىلعا دەيىن 420 جولاۋشىلار ۆاگونى جاسالاتىن بولادى.
امانگەلدى زامانباەۆ.