سقو-دا جۋىردا ادام ولىمىنە سوقتىرعان جول-كولىك وقيعاسى بولدى, - دەپ حابارلايدى Egemen.kz.
«جەزقازعان-پەتروپاۆل» جولىنىڭ 845 شاقىرىمىندا ورنالاسقان ەسىل اۋدانىنىڭ قاراتال اۋىلى ماڭىندا «Nissan Largo» كولىگىنىڭ جۇرگىزۋشىسى, 21 جاستاعى پەتروپاۆل قالاسىنىڭ تۇرعىنى رولگە يە بولا الماي, جولدان شىعىپ كەتىپ اۋدارىلعان. كولىكتە ونىڭ جۇبايى جانە ءۇش جاسار قىزى بولعان. العان جاراقاتتان ءسابي قايتىس بولدى.
وسى وقيعا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلىپ, قىلمىستىق كودەكستىڭ «كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى» بابى بويىنشا ءىس قوزعالدى. اۆتوكولىك ارنايى تۇراققا قويىلدى. «اپاتتىڭ بارلىق ءمان-جايى مۇقيات تەرگەلەتىن بولادى. جۇرگىزۋشىلەر جولاۋشىلاردى, اسىرەسە جاس بالالاردى تاسىمالداعان كەزدە اسا ساق بولىپ, قاجەتتى شارالاردى ورىنداۋعا مىندەتتى. جىلدامدىق رەجىمىن ساقتاپ, رولگە وتىرعان كەزدە اسا قىراعى بولۋ كەرەك»,- دەپ اتاپ ءوتتى پد باستىعىنىڭ ءبىرىنشى ورىنباسارى, پوليتسيا پولكوۆنيگى قانات ايتباەۆ.