وبلىستىق جاستار ساياساتى ماسەلەلەرى باسقارماسىنىڭ قولداۋىمەن «مۇمكىندىگى شەكتەۋلى تالانتتى جاستار اراسىنداعى شىعارماشىلىق بايقاۋدى ۇيىمداستىرۋ جانە وتكىزۋ» جوباسى اياسىندا «شەكسىز شىعارماشىلىق!» اتتى فەستيۆالدىڭ گالا-كونتسەرتى وتكىزىلدى.
وبلىستىق جاستار ساياساتى ماسەلەلەرى باسقارماسىنىڭ قولداۋىمەن «مۇمكىندىگى شەكتەۋلى تالانتتى جاستار اراسىنداعى شىعارماشىلىق بايقاۋدى ۇيىمداستىرۋ جانە وتكىزۋ» جوباسى اياسىندا «شەكسىز شىعارماشىلىق!» اتتى فەستيۆالدىڭ گالا-كونتسەرتى وتكىزىلدى.
گالا-كونتسەرتتىڭ اشىلۋ سالتاناتىندا «اقتوبە قالالىق سال اۋرۋىنا شالدىققان ازاماتتاردى قولداۋ ورتالىعى» قوعامدىق بىرلەستىگىنىڭ ءتورايىمى قۇرالاي بايمەنوۆا تاعدىردىڭ سالعان اۋىرتپالىقتارىنا قايىسپاي قارسى تۇرىپ, ونەردى سەرىك ەتكەن جاندارعا شىعارماشىلىق ساتتىلىك تىلەدى. وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باستىعىنىڭ ورىنباسارى التىنبەك ءامىرعاليەۆ, وبلىستىق جاستار ساياساتى ماسەلەلەرى باسقارماسىنىڭ قىزمەتكەرى گۇلدانا ماحاتوۆا شىعارماشىلىقتىڭ شەكسىزدىگىن مويىنداتقاندارعا قۇتتىقتاۋ تىلەكتەرىن جەتكىزىپ, جىلى لەبىزدەرىن ءبىلدىردى. سودان كەيىن ءانشى سەيسەن ايتجانوۆ «تىرنالار» ءانىن شىرقادى. مۇمكىندىگى شەكتەۋلى ونەرپازدار ءبىرىن-ءبىرى ءىلىپ اكەتىپ, اننەن شاشۋ شاشتى. بارلىق جەڭىمپازدار مەن جۇلدەگەرلەر ديپلومدارمەن جانە باعالى سىيلىقتارمەن ماراپاتتالدى.
فەستيۆال جەڭىمپازدارى مەن جۇلدەگەرلەرىنىڭ قولىنان شىققان ادەمى دۇنيەلەردەن جاساقتالعان كورمە دە كورەرمەندەردى ءتانتى ەتتى.
شارا بارىسىندا مارات وسپانوۆ اتىنداعى باتىس قازاقستان مەملەكەتتىك مەديتسينا ۋنيۆەرسيتەتىنىڭ «مەيىرىمدىلەر» ەرىكتىلەر كلۋبى, باسقا دا وقۋ ورىندارىنان قۇرالعان ەرىكتىلەر مۇمكىندىگى شەكتەۋلى جاندارعا كومەكتەسىپ, قىزمەت كورسەتتى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.