شىمكەنت قالاسىندا AR-shymkent– ۆيرتۋالدى جوباسى قولعا الىندى, دەپ حابارلايدى Egemen.kz
جوبانىڭ ماقساتى — تۋريزم سالاسىن تسيفرلاندىرا وتىرىپ, يدەولوگيالىق, اقپاراتتىق-تانىمدى ءداستۇرلى جارنامالىق شىعىنداردى ازايتۋ, زاماناۋي تەحنولوگيالاردى قولدانۋدىڭ كەرى بايلانىستاعى ءرولىن ناسيحاتتاۋ بولىپ تابىلادى.
AR-shymkent QR-كودىنىڭ كومەگىمەن تۋريستەر ءوز سمارتفوندارىنا شىمكەنتتەگى تاريحي ەسكەرتكىشتەردىڭ تاريحى, جاي-كۇيى تۋرالى اقپارات الا الادى. ياعني AR-shymkent اۋديو, ۆيدەو, فوتواقپاراتتاردى ينتەراكتيۆتى نىساندا جانە 3D نىساندا كورۋگە مۇمكىندىك بەرەدى.
قالالىق تسيفرلاندىرۋ باسقارماسى ماماندارىنىڭ ايتۋىنشا, جوبادا ەكى ۆيرتۋالدى اقپاراتتاندىرۋشى قىزمەت كورسەتەدى. ءبىرىنشىسى — قالانىڭ گەوگرافيالىق جاعدايى تۋرالى جول كورسەتۋشى ۆيرتۋالدى گيد بولسا, ەكىنشىسى — سول نىساننىڭ نەمەسە تۇلعانىڭ (ەسكەرتكىشتىڭ) تاريحىن, يا ءومىربايانىن ايتاتىن ۆيدەوبايانداماشى.
قالاداعى 103 قوعامدىق ورىندا QR-كودى بار 830 ارنايى بەلگى ورناتىلادى. اتاپ ايتقاندا كينوتەاترلار, ساۋدا ۇيلەرى, ساياباقتار, اۆتوبۋستار, قوناق ۇيلەر مەن قوعامدىق ورىندار تاڭدالعان.
قازىرگى تاڭدا جوبانى ىسكە قوسۋشى كومپانيامەن كەلىسىمشارتقا سايكەس جۇمىستار اتقارىلىپ جاتىر.