حالىقارالىق ايەلدەر تەننيس قاۋىمداستىعى ناۋرىز ايىنان كەيىن ءبىرىنشى رەت سپورتشىلاردىڭ الەمدىك رەيتينگىن جاڭارتتى. پاندەمياعا دەيىنگى جارىستاردا ءتاۋىر ناتيجە كورسەتىپ جۇرگەن ەكى وتانداسىمىز رەيتينگتەگى ورنىن ساقتاپ قالدى.
الەمنىڭ ەڭ ۇزدىك تەننيسشىلەرىنىڭ العاشقى ۇشتىگىندە ەش وزگەرىس جوق. ناۋرىز ايىنا دەيىن رەيتينگ كوشىن باستاپ كەلگەن اۋستراليالىق ەشلي بارتي ءوز ورنىندا قالدى. ودان كەيىنگى ورىندا رۋمىنيالىق سيمونا حالەپ جانە چەح سپورتشىسى كارولينا پليشكوۆا تۇر.
قازاقستاننىڭ ءبىرىنشى جانە ەكىنشى راكەتكاسى ەلەنا رىباكينا مەن يۋليا پۋتينتسەۆا دا بۇرىنعى ورىندارىن ساقتاپ قالدى. رىباكينا 17, پۋتينتسەۆا 33-ورىنعا جايعاسقان. ال زارينا دياس ەكى ساتىعا تومەندەپ, 66-ورىنعا تۇراقتادى. سونداي-اق جۇپتاسىپ ونەر كورسەتۋ باسەكەسىندە قازاقستان وكىلى گالينا ۆوسكوبوەۆا 61-ورىننان 62-ورىنعا, اننا دانيلينا – 126-ورىنعا (-1), پۋتينتسەۆا – 171-ورىنعا (-1) سىرعىدى.