التىن قۇيماسىنا دەگەن ىقىلاس ارتىپ بارادى

وتكەن كەزەڭدەگى ۇلتتىق بانكتىڭ دەرەكتەرىن ەسكەرسەك:

ورتاشا ەسەپپەن 2017 جىلدان باستاپ  2020 جىلدىڭ ءساۋىر ايىنا دەيىن اي سايىن 700 قۇيما ساتىلدى. مامىرداعى كورسەتكىش ورتاشا دەڭگەيدەن 2,1 ەسە جوعارى; ورتاشا ەسەپپەن ايىنا 22,368 كگ التىن ساتىلدى.  2020 جىلدىڭ مامىر ايىنداعى كورسەتكىش 2,8 ەسە جوعارى; وتكەن كەزەڭدە ساتىپ الىنعان قۇيمالاردىڭ ورتاشا سالماعى شامامەن 32 گ. مامىردا شامامەن 42,4 گ. ياعني ۇشتەن ءبىر ەسەگە ارتىق.

دەمەك,  قازاقستاندىقتار سالماعى جوعارى قۇيمالاردى دا ساتىپ الا باستاعان. بۇل تۇرعىندار التىن قۇيماسىن  شەت ەل ۆاليۋتاسى, نەمەسە اقش دوللارىنا بالاما  بولا الاتىن قارجى قۇرالى رەتىندە قابىلداي باستاعان.

قۇيمالاردى ساتىپ الۋ بويىنشا وڭىرلەر اراسىندا الماتى (ساتىلعان قۇيمانىڭ جالپى سانىنىڭ 54%), ودان كەيىن اتىراۋ (16%), نۇر-سۇلتان (10%) جانە باسقا ايماقتار (20%) تۇر.

بۇل جولى ساتىلىمعا شىعارىلعان التىن قۇيمالارى  بەس سۇرىپتا ۇسىنىلعان: 5, 10, 20, 50 جانە 100 گ.

ساتىپ الۋشىلار اراسىندا ەڭ تانىمال 10 گ قۇيماسى بار, ونىڭ جالپى ساتىلىمداعى ۇلەسى 27% - 8 206 دانا. ودان كەيىن 100 گرامم - 6 491 دانا (21%), 5 گرامم - 6 326 دانا (20%), 20 گرامم - 6 045 دانا (20%), 50 گرامم - 3 787 دانا (12%). ۇلتتىق بانك سونىمەن بىرگە باعدارلاما باستالعاننان بەرى جالپى سالماعى 3 كگ بولاتىن 114 ولشەنگەن قۇيمالاردى ساتىپ الۋعا قابىلدانعانىن ايتتى. بۇل التىن قۇيمالارى ينۆەستيتسيالاۋ مەن جيناقتاۋدىڭ ۇزاق مەرزىمدى قۇرالى بولىپ تابىلاتىندىعىنا بايلانىستى.

شىلدە ايىنىڭ باسىندا قازان ايىنداعى التىن فيۋچەرستەرى تاريحتا العاش رەت ۋنتسيا 2000 دوللاردان اسىپ, تاريحي رەكورد ورناتتى. نۇر-سۇلتان ۋاقىتى بويىنشا 10: 10-دا جەلتوقسانداعى جەتكىزىلىم ءۇشىن التىن فيۋچەرستەرى 0,42 پايىزعا تومەندەپ, 1,94 مىڭ دوللاردى قۇرادى. تازارتىلعان التىن قۇيمالارىن ساتۋ جانە ساتىپ الۋ باعدارلاماسىن ۇلتتىق بانك 2017 جىلى باستادى. جالپى سالماعى 1,1 توننانى قۇرايتىن 30 855 التىن قۇيماسى 2017 جىلدان باستاپ ساتىلدى.