سۋ سپورتىنان بىرنەشە دۇركىن ازيا چەمپيونى ۆيتالي حۋدياكوۆ ىستىقكولدى ءجۇزىپ ءوتتى. 56 شاقىرىم قاشىقتىقتى باعىندىرعان ول بۇل ارەكەتىن توكيوداعى وليمپيا ويىندارىنا ارناعان. سەبەبى 5 تامىزدا تورتجىلدىق دوداسىندا اشىق سۋدا جۇزۋدەن جارىس باستالۋى ءتيىس ەدى, دەپ حابارلادى ۇوك ءباسپاسوز قىزمەتى.
حۋدياكوۆ 5 تامىزدا شولپان-اتا ۋاقىتىمەن تاڭعى 5:15-تە ءجۇزۋدى باستاپ, 13 ساعات 18 مينۋتتان كەيىن كادجي-سايا جاعاجايىنا جەتكەن. سۋدىڭ تەمپەراتۋراسى 18-19 گرادۋس, ال جالپى قاشىقتىق 56 شاقىرىم بولعان. اتالعان ۋاقىت پەن قاشىقتىقتى قىرعىزستان ءجۇزۋ فەدەراتسياسىنىڭ وكىلى احمەت انارباەۆ تىركەگەن.
ايتا كەتەلىك, ۆيتالي حۋدياكوۆ اقتوبە وبلىسىنىڭ اتىنان سىنعا تۇسەدى. ول ءتورت رەت ازيا چەمپيوناتىندا توپ جارعان (2013, 2017, 2018, 2019). سونداي-اق 2014 جانە 2016 جىلدارى جاعاجاي ويىندارىندا جەڭىسكە جەتكەن. قازىرگى ساتتە حۋدياكوۆتىڭ قورجىنىندا توكيو وليمپياداسىنىڭ جولداماسى بار.