"ايالا" قورى اقتوبەدەگى بالالار رەانيماتسياسىنا جاڭا جابدىقتار جەتكىزدى

اقتوبەگە بەرىلگەن جابدىقتىڭ جالپى قۇنى 7,2 ملن تەڭگەنى قۇرادى. بۇل سوما 2019 جىلى ء"ومىر سىيلايىق" جوباسىنىڭ شەڭبەرىندەگى شارالار جانە GAZ Energy جەلىسىنىڭ بوكستارى, قازاقستاندىقتاردىڭ كاسسا24 تەرمينالدارىمەن اۋدارىمدار ارقىلى, "KOMPRA" جشس-مەن بىرگە جاسالعان شارالار, سونداي-اق جەكە تۇلعالاردىڭ قايىرمالدىقتارى ارقىلى جينالدى.

فوتوتەراپيا  شامدارىن قوردان اقتوبەدەن باسقا الماتىنىڭ پەريناتالدىق ورتالىقتارى الدى. ەكى شام قالالىق پەريناتالدىق ورتالىققا, تاعى ۇشەۋى – پەريناتولوگيا جانە بالالار كارديوحيرۋرگياسى ورتالىعىنا ورناتىلدى. بۇل جابدىقتىڭ جالپى قۇنى 6 ملن تەڭگەنى قۇرايدى. بۇل سوما 2019 جىلى ء"ومىر سىيلايىق" جوباسى شەڭبەرىندە جينالعان بولاتىن.

جىل سايىن "اقتوبە مەديتسينالىق ورتالىعىنىڭ" (بۇرىنعى وبلىستىق بالالار كلينيكالىق اۋرۋحاناسى) بالالار ستاتسيونارى ارقىلى 80 مىڭ بالا وتەدى, ونىڭ ىشىندە 12 مىڭى اۋرۋحاناعا جاتقىزىلادى. بۇل مەديتسينالىق مەكەمەنىڭ باسشىلىعى بالالار رەانيماتسياسى ءۇشىن مەديتسينالىق جابدىقتار ساتىپ الۋعا كومەك سۇراپ, "ايالا" قورىنا جۇگىندى.

"ون مىڭداعان قايىرىمدى قازاقستاندىقتار ءبىزدىڭ قوردىڭ وسى اۋرۋحاناعا ەڭ وزىق, ءتيىمدى جانە قاۋىپسى جابدىق ساتىپ اپەرۋىنە كومەكتەستى. 14 جىلدان بەرى ءبىز دارىگەرلەرىمىزدىڭ ەلىمىزدە  نەعۇرلىم كوپ بالانىڭ ءومىرىن قۇتقارىپ قالۋى ءۇشىن جۇمىس ىستەپ كەلەمىز. نەوناتولوگتار ءۇشىن بىلىكتىلىكتى ارتتىرۋ كۋرستارىن وتكىزەمىز, جاڭا تۋعان سابيلەرگە مەديتسينالىق كومەك كورسەتۋدىڭ زاماناۋي ادىستەرى بويىنشا ادىستەمەلىك ۇسىنىمدار شىعارامىز. مەنىڭ فيلوسوفيام قاراپايىم – بۇل دەنساۋلىق ساقتاۋدىڭ پروبلەمالارىن دارىگەرلەرمەن, دەنساۋلىق ساقتاۋ مينيسترلىگىمەن ءونىمدى جانە كاسىبي ديالوگ ارقىلى جۇيەلى تۇردە شەشۋ ءۇشىن رەسۋرستار شوعىرلاندىرۋ. جىل سايىن كۇشىمىزدى بىرىكتىرىپ, ەلىمىزدىڭ مىڭداعان بالالارىنىڭ ومىرىنە اراشا بولىپ جۇرگەنىمىزگە قۋانامىن", - دەيدى "ايالا" قورىنىڭ پرەزيدەنتى ايدان سۇلەيمەنوۆا.      

دەنە سالماعى وتە از بولىپ تۋعان سابيلەرگە ارنالعان يدن-03-"ۋومز" ينكۋباتورى شالا تۋعان بالالاردىڭ ومىرشەڭدىگى مەن دەنساۋلىعىن جاقسارتادى. ول اۋانىڭ تەمپەراتۋراسى مەن ىلعالدىلىعى, وتتەگى شوعىرلانىمى, بالانىڭ دەنە تەمپەراتۋراسى مەن سالماعىنىڭ پارامەترلەرىن ميكروپروتسەسسورلىق باسقارۋمەن جاراقتاندىرىلعان. ينكۋباتور شالا تۋعان جانە ءالسىز بالالارعا كۇتىم جاساۋعا جانە ءتيىمدى رەانيماتسيا جۇرگىزۋگە ارنالعان, سوندىقتان سابيلەر پاتولوگياسى بولىمشەلەرىندە بازالىق تەراپيا ءۇشىن قولدانىلادى.

وفن-2-ۋومز  فوتوتەراپەۆتتىك نەوناتالدىق ساۋلەلەندىرگىش تىكەلەي ءسابيدىڭ ينكۋباتورىنا ورناتىلادى نەمەسە كرونشتەيننىڭ كومەگىمەن ونىڭ دىڭگەكتەرىنىڭ بىرىنە بەكىتىلەدى. وندا كوك-جاسىل سپەكتردەگى ساۋلە كوزىنىڭ جاڭا ءتۇرى پايدالانىلادى, ول بالا اعزاسىنا مۇلدەم زيانسىز. 

فوتوتەراپيا شامى ءسابيدىڭ سارعايۋىن ەمدەپ, ساۋلىعى مەن اقىل-پاراساتىن ساقتاپ قالۋعا كومەكتەسەدى. سابيلەردىڭ سارعايۋى – بۇل ورتالىق جۇيكە جۇيەسىنىڭ اۋىر بۇزىلۋىنا الىپ كەلەتىن ۋىتتى بيليرۋبين دەڭگەيىنىڭ جوعارىلۋى. ول اسىرەسە, شالا تۋعان بالالار, انەمياسى جانە قۇرساقىشىلىك جۇقپاسى بار بالالار اراسىندا ءجيى كەزدەسەدى. قاندا ۋىتتى بيليرۋبين دەڭگەيىنىڭ اسا جوعارى بولۋى دامۋدىڭ تەجەلۋى, اتەتويدتىك تسەرەبرال سال اۋرۋى, ءىشىنارا نەمەسە تولىق سال اۋرۋى, تولىق جوعالتۋعا دەيىنگى ەستۋ پروبلەماسى سياقتى بالانىڭ باس ميىنىڭ قايتىمسىز زاقىمدانۋىنىڭ سەبەبى بولۋى مۇمكىن.

فوتوتەراپيا شامى قىزمەتىنىڭ شەكتى مەرزىمى 1 مىڭنان 2 مىڭ ساعاتقا دەيىن. بۇدان كەيىن ول اۋىستىرىلۋى ءتيىس. سوندىقتان مۇنداي شامدارعا سۇرانىس وتە جوعارى.

13 جىل ىشىندە "ايالا" قورىنىڭ ء"ومىر سىيلايىق" جوباسى ەلىمىزدىڭ 36 قالاسى مەن ەلدىمەكەندەرىندەگى 67 مەديتسينالىق مەكەمەنى قامتىدى. بوكستار, كاسسا24 تەرمينالدارىمەن اۋدارىمدار ارقىلى جانە جەكە قايىرمالدىقتار ارقىلى جينالعان قاراجاتقا قازاقستاننىڭ بالالار رەانيماتسيالارىنا 95 فوتوتەراپيا اپپاراتى, 9 وكپەنى جاساندى جەلدەتۋ اپپاراتى, جاڭا تۋعان سابيلەرگە ارنالعان 7 ينكۋباتور, 18 رەانيماتسيا ۇستەلشەلەرى, 140 ينفۋزيالىق جانە شپريتستىك مولشەرلەگىشتەر, 7 سيپاپ اپپاراتى, 26 توسەك جانىنداعى مونيتور, 2 ناركوز اپپاراتى, دەفيبريللياتور, ەەگ اپپاراتى جانە بالالاردىڭ ءومىرىن قۇتقارۋ ءۇشىن ماڭىزدى جۇزدەگەن باسقا مەديتسينالىق قۇرىلعىلار ورناتىلدى.