قاراعاندى وبلىسىنىڭ تەمىرتاۋ قالاسىندا ءبىر كوزدى ءسابي دۇنيەگە كەلدى. بۇل تۋرالى «31» تەلەارنا حابارلادى.
دارىگەرلەر مۇنداي جاعدايدى العاش رەت كورىپ وتىرعانىن ايتادى. بوسانار الدىندا تەكسەرۋدەن وتكەن انانىڭ دەنساۋلىعى قالىپتى بولعان. نارەستەنى ۇيىنە اكەلگەندە ونى تەكسەرۋگە كەلگەن ۋچاسكەلىك پەدياتر بالانىڭ ءبىر كوزى جوق ەكەنىن بايقاعان. ەگەر, وعان ءبىر ايعا دەيىن جاساندى كوز سالىنباسا, ونىڭ باس سۇيەگى وزگەرىسكە ۇشىرايدى ەكەن. ال ەلىمىزدە جاساندى كوز سالۋ وتاسى 14 جاسقا كەلگەندەرگە عانا جاسالادى. بۇل ىسكە تەك ماسكەۋ دارىگەرلەرى كەلىسىمىن بەرىپتى. وتباسىنىڭ ەسەبى بويىنشا وسى وتاعا 1 ملن. تەڭگە قاجەت. ازىرگە قولدارىندا 200 مىڭ تەڭگە بار كورىنەدى. سوندىقتان بالانىڭ اناسى كوپشىلىكتىڭ كومەك قولىن سوزۋىن ءوتىنىپ وتىر.
باقىتبەك كەنەش ۇلى.