وبلىس اكىمى ب.ساپارباەۆتىڭ باستاماسىمەن ەلىمىزدە ءبىرىنشى بولىپ قالا, اۋدان اكىمدەرى مەن باسقارما باسشىلارىنىڭ اقپاراتتىق ورتالىقتا ەسەبى تىڭدالا باستالدى. وندا يندۋستريالاندىرۋ كارتاسى, وڭىردەگى ەكونوميكانى ساۋىقتىرۋ, جول, كوپىر, كوشەلەردى اباتتاندىرۋ ماسەلەلەرى ءسوز بولدى. اقپارات قۇرالدارى وكىلدەرى الدىندا ءبىرىنشى بولىپ وسكەمەن قالاسىنىڭ اكىمى تەمىربەك قاسىمجانوۆ ەسەپ بەردى.
وبلىس اكىمى ب.ساپارباەۆتىڭ باستاماسىمەن ەلىمىزدە ءبىرىنشى بولىپ قالا, اۋدان اكىمدەرى مەن باسقارما باسشىلارىنىڭ اقپاراتتىق ورتالىقتا ەسەبى تىڭدالا باستالدى. وندا يندۋستريالاندىرۋ كارتاسى, وڭىردەگى ەكونوميكانى ساۋىقتىرۋ, جول, كوپىر, كوشەلەردى اباتتاندىرۋ ماسەلەلەرى ءسوز بولدى. اقپارات قۇرالدارى وكىلدەرى الدىندا ءبىرىنشى بولىپ وسكەمەن قالاسىنىڭ اكىمى تەمىربەك قاسىمجانوۆ ەسەپ بەردى.
اۋماق تۇرعىندارى شالعايداعى اۋداندار مەن قالالاردا نە تىندىرىلىپ جاتقانىنان جەتكىلىكتى حاباردار ەمەس. ولاردىڭ جۇمىستارى مەن كەمشىلىكتەرىن ءباسپاسوز بەن تەلەارنالاردان كورسەتۋدىڭ ماڭىزى زور, دەيدى وبلىس اكىمىنىڭ ورىنباسارى جاقسىلىق ومار. الدىمەن قالانىڭ كەشەگىسى مەن بۇگىنگىسى, كاسىپورىندار مەن مەكەمەلەردىڭ تىنىس-تىرشىلىگى جايلى فوتوسۋرەتتەر كورمەسى ۇيىمداستىرىلدى. سوسىن قالا اكىمى اتقارىلعان جۇمىستار جايلى كەڭىنەن ايتىپ بەردى.
– وسكەمەن – ءىرى مەتاللۋرگيالىق ورتالىق. مۇندا وتىزدان استام كاسىپورىندار جۇمىس ىستەپ تۇر. جىل باسىنان بەرى 407 ميلليارد تەڭگەنىڭ ونەركاسىپ ءونىمى شىعارىلدى. ينۆەستيتسيالىق بەلسەندىلىك وتكەن جىلمەن سالىستىرعاندا 2,4 پايىز ءوستى. ەلىمىزدىڭ يندۋستريالاندىرۋ كارتاسىنا ەنگەن «ازيا-اۆتو» زاۋىتىندا 12 مىڭ ادام ەڭبەك ەتەتىن تولىق تسيكلدى زاۋىتتىڭ قۇرىلىسى قارقىن الدى. جالپى قۇنى 264,5 ميلليارد تەڭگەنىڭ 15 ءىرى جوباسى رەسپۋبليكالىق يندۋستريالىق سەرپىندى جوباعا ەندى. ولاردىڭ قاتارىندا كۇننەن قۋات الاتىن فوتوەلەكتر تاباقشالارى, ءۇي قۇرىلىسى كومبيناتى, قاعاز كومبيناتى بار. جىل باسىنان بەرى 31 مىڭ شارشى مەتر تۇرعىن ءۇي پايدالانۋعا بەرىلدى. تامىز ايىندا «قولجەتىمدى تۇرعىن ءۇي-2020» باعدارلاماسى بويىنشا 11 مىڭ شارشى مەتر تۇرعىن ءۇي ىسكە قوسىلدى. تۇرعىن ءۇي قۇرىلىس جيناق بانكى جۇيەسى بويىنشا 450 پاتەرلى 6 كوپقاباتتى نەسيەلىك تۇرعىن ءۇي, «جاس وتباسى» باعدارلاماسىمەن 120 پاتەرلى ەكى تۇرعىن ءۇي بەرىلمەك. «جۇمىسپەن قامتۋ-2020» باعدارلاماسىمەن 55 پاتەرلى شاعىن وتباسىلىق جاتاقحانا قۇرىلىسىن اياقتاۋ كوزدەلىندى.
قالا اكىمى تەمىربەك جۇماقۇل ۇلى بۇدان كەيىن وزەندەر ورنەكتەگەن وسكەمەندە كوپىرلەردىڭ از ەكەنىن تىلگە تيەك ەتتى. كەلەر جىلى ءوڭىر باسشىسى ب.ساپارباەۆتىڭ باستاماسىمەن قارت ەرتىستىڭ بويىندا ءبىر كوپىردىڭ قۇرىلىسى باستالاتىن ءتۇرى بار. 1 قاراشادا ءۇلبى وزەنىندە تاعى ءبىر كوپىر تاپسىرىلماق. كوشەلەردى جارىقتاندىرۋدا كەمشىلىكتەر بار, ونى تۇزەۋ ءمىندەتىمىز, دەدى قالا باسشىسى. ەكولوگيانى ساۋىقتىرۋدا دا باعدارلى جۇمىستار جۇرگىزىلۋدە. ازىق-ت ۇلىك باعاسىنىڭ قىمباتتاماۋىن قاداعالاۋدامىز. جاقىندا كوشەدەگى جايما بازارلاردى جاۋىپ, ارنايى ورىنداردا ساۋدا جاساۋعا جاعداي جاسادىق. ەرتىستىڭ سول جاعالاۋى «اقىلدى قالاعا» اينالماق. يننوۆاتسيالىق جوبانىڭ اۆتورلارى جاستار «اقىلدى قالادا» دەمالىپ, كوڭىل كوتەرەتىن ورىنداردى سالىپ, ءتۇرلى قىزمەت كورسەتەتىن مەكەمەلەر توپتاستىرىلماق.
جۋرناليستەر قالا اكىمىنە ساۋالداردى قارشا بوراتتى. ەكولوگيا, كوشە تازالىعى, ءتىپتى قالا اكىمىنىڭ كەزەكتى ەڭبەك دەمالىسى كەزىندە جۇرگىزۋشىسىنىڭ رۇقساتسىز كولىكتى الىپ كەتىپ, جول اپاتىنا ۇشىراعانى جايلى دا ساۋالدار قويىلدى. ت.قاسىمجانوۆتىڭ ايتۋىنشا, جۇرگىزۋشى كىناسى ءۇشىن جاۋاپ بەرمەك, قازىر ارنايى ورىندار تەرگەۋ امالدارىن جۇرگىزۋدە. ال پروبلەمالار مەن كەمشىلىكتەردى قالا تۇرعىندارىمەن بىرلەسىپ شەشۋ قاجەت ەكەنىن دا نازارعا سالدى. اشىق اڭگىمە جۋرناليستەردىڭ كوڭىلىنەن شىقتى. اپتا سايىن مۇنداي كەزدەسۋلەر جالعاسا بەرمەك.
وڭداسىن ەلۋباي,
«ەگەمەن قازاقستان».
وسكەمەن.