اباي اتىنداعى قازاق مەملەكەتتىك اكادەميالىق وپەرا جانە بالەت تەاترى 86-شى تەاتر ماۋسىمىنىڭ اياقتالۋى مەن ۇلى اقىن جانە ويشىل اباي قۇنانباي ۇلىنىڭ 175 جىلدىق مەرەيتويىنا وراي, 13 شىلدە مەن 9 تامىز ارالىعىندا كاسىبي ەمەس ورىنداۋشىلارعا ارنالعان "اباي اندەرى" ونلاين-بايقاۋىن جاريالاعان بولاتىن. بايقاۋعا قاتىسۋ ءۇشىن اباي قۇنانباي ۇلىنىڭ ءوزىڭىز ءسۇيىپ تىڭدايتىن شىعارماسىن ورىنداپ, ونى بەينەگە جازىپ جىبەرۋ قاجەت. 30 شىلدە ساعات 00.00-دەن باستاپ ونلاين داۋىس بەرۋ جاريالاندى", - دەپ جازادى Egemen.kz
ەندىگى جەردە ەل سۇيىكتى ورىنداۋشىسى تەاتردىڭ رەسمي Abay Theatre YouTube ارناسىندا داۋىس بەرە الادى. "اباي اندەرى بايقاۋى" قر مادەنيەت جانە سپورت مينيسترلىگىنىڭ قولداۋىمەن وتكىزىلىپ وتىر.
بايقاۋعا 6 جاستان باستاپ 72 جاس ارالىعىنداعى قازاقستاننىڭ تۇكپىر-تۇكپىرىنەن بارلىق ورىنداۋشىلار قاتىسادى. قاتىسۋشىلار الماتى, تالدىقورعان, قاراعاندى, قىزىلوردا, جاڭاوزەن, قىزىلوردا وبلىسى, پاۆلودار, تۇركىستان وبلىسى, نۇر-سۇلتان, وسكەمەن, سەمەي, تاراز, ەكىباستۇز, اقتوبە, ارقالىق جانە مونعوليادان وتىنىمدەر جىبەردى.
" ۇلى ابايدىڭ 175 جىلدىعىنا وراي 2020 جىلى اۋقىمدى باعدارلاما دايىندادىق, مەرەيتوي اياسىندا تۇركىسوي ەلدەرىنىڭ قاتىسۋشىلارىمەن حالىقارالىق فەستيۆال وتكىزۋ جوسپارلانعان بولاتىن. الايدا, پاندەمياعا بايلانىستى بارلىق شارالاردى كەيىنگە قالدىرۋعا تۋرا كەلدى. بىراق ءبىز ءالى دە ونلاين-بايقاۋ وتكىزىپ, وعان كاسىبي ەمەس ورىنداۋشىلاردى تارتۋدى شەشتىك, ويتكەنى اباي – حالىق اقىنى. بايقاۋعا تۇركىسوي ەلدەرىنىڭ وكىلدەرى دە قاتىسا الادى, وسىلايشا ءبىز شىعارماشىلىق ءۇشىن شەكارانى كەڭەيتەمىز, ورىنداۋشىلار مەن جانرلاردى شەكتەمەيمىز. قاتىسۋشىلار ويشىلدىڭ شىعارمالارىن جەكە دە, انسامبلدە دە ورىنداي الادى. سونداي-اق, بايقاۋ تالانتتاردى انىقتاۋعا ارنالعان. ءادىل ونلاين داۋىس بەرۋ اياقتالعاننان كەيىن بارلىق جەڭىمپازدار ۇيىمداستىرۋشىلار تاراپىنان گراموتا جانە ديپلومدارمەن ماراپاتتالادى", – دەيدى قماوبت ديرەكتورى ايا قاليەۆا.
ەلدە كارانتين جاريالانعان العاشقى كۇننەن باستاپ اباي اتىنداعى قماوبت ءوز كورەرمەندەرىن جانە تەاتر ونەرىنىڭ جانكۇيەرلەرىن قۋانتىپ, قولداۋ كورسەتۋ ماقساتىندا قولدان كەلگەننىڭ ءبارىن جاساپ كەلەدى جانە ءوز وتانداستارىن وسى قاراپايىم ۋاقىتتا جاۋاپكەرشىلىك پەن سابىرعا شاقىرادى. تەاتر "ونەر ونلاين" رەجيمىندە مادەني ءىس-شارالاردى ۇيىمداستىرۋداعى باستامالاردى قولدايدى.
الماتى